ಇಂದು ಕೂಡಲಸಂಗಮ, ಗೋಕರ್ಣದಲ್ಲಿ ಶ್ರೀಗಳ ಅಸ್ಥಿ ವಿಸರ್ಜನೆ

ವಿಜಯಪುರ : ಸಿದ್ದೇಶ್ವರ ಶ್ರೀಗಳು ಅಗಲಿ 8 ದಿನ ಕಳೆದಿದೆ. ಶ್ರೀಗಳ ಅಸ್ಥಿ ವಿಸರ್ಜನೆ ಕಾರ್ಯಕ್ರಮ ಇಂದು ಬಾಗಲಕೋಟೆ ಜಿಲ್ಲೆಯ ಕೂಡಲಸಂಗಮದ ನದಿಯಲ್ಲಿ ಮತ್ತು ಗೋಕರ್ಣದ ಸಾಗರದಲ್ಲಿ ನಡೆಯಲಿದೆ.

ವಿಜಯಪುರದ ಬಸವತಂವ ಪಾಟೀಲ ಅವರ ವಾಹನದಲ್ಲಿ ಶ್ರೀಗಳ ಅಸ್ಥಿಯನ್ನು ತೆಗೆದುಕೊಂಡು ತೆರಳಲಾಯಿತು. ವಿಶೇಷ ವಾಹನಕ್ಕೆ ಶ್ರೀಗಳ ಭಾವಚಿತ್ರ ಹಾಕಿ ಹೂವಿನಿಂದ ಅಲಂಕಾರ ಮಾಡಿ ಬಸವಲಿಂಗ ಸ್ವಾಮಿಜಿ ಮತ್ತು ಇತರೇ ಸ್ವಾಮೀಜಿಗಳು ಆಶ್ರಮದ ಶ್ರೀಗಳ ಕೋಣೆಯಲ್ಲಿ ಇರಿಸಲಾಗಿದ್ದ ಅಸ್ಥಿಗಳನ್ನು ಹೊರತಂದರು.

ಅಸ್ಥಿಗಳನ್ನು ಹಿಡಿದು ಆಶ್ರಮದ ಆವರಣದಲ್ಲಿಯ ಶ್ರೀ ಮಲ್ಲಿಕಾರ್ಜುನ ಶಿವಯೋಗಿಗಳ ಗದ್ದುಗೆಗೆ ಪ್ರದಕ್ಷಿಣೆ ಹಾಕಿ ಭಜನೆ ಮಾಡಲಾಯಿತು. ತದನಂತರ ವಿಶೇಷ ವಾಹನದಲ್ಲಿ ಅಸ್ಥಿಗಳನ್ನಿಟ್ಟುಕೊಂಡು ನಗರದ ಪ್ರಮುಖ ಬೀದಿಯಲ್ಲಿ ಸಂಚರಿಸಿದ ವಾಹನ ಕೂಡಲಸಂಗಮಕ್ಕೆ ತೆರಳಿತು.