ಮುಂಬೈನಿಂದ ಈ ಜಿಲ್ಲೆಗೆ ಬಂತು ಕೊರೊನಾ ವೈರಸ್

ಮುಂಬೈನಿಂದ ಈ ಊರಿಗೆ ಬಂದಿದ್ದ ಎರಡನೇ ವ್ಯಕ್ತಿಗೆ  ಕೊರೊನಾ ಸೋಂಕು ದೃಢಪಟ್ಟಿದೆ.

ಮುಂಬೈನಿಂದ ಹಾವೇರಿ ಜಿಲ್ಲೆಯ ಸವಣೂರಿಗೆ ಬಂದಿದ್ದ ಎರಡನೇ ವ್ಯಕ್ತಿಗೆ  ಕೊರೊನಾ ಸೋಂಕು ದೃಢಪಟ್ಟಿದೆ. P-639 ಸೋಂಕಿತನ ಸಂಪರ್ಕದಿಂದ 40 ವರ್ಷದ P -672 ವ್ಯಕ್ತಿಗೆ ಕೋವಿಡ್ ದೃಢಗೊಂಡಿದ್ದು, ಇದು ಜಿಲ್ಲೆಯ ಎರಡನೇ ಪ್ರಕರಣವಾಗಿದೆ ಎಂದು  ಹಾವೇರಿ ಜಿಲ್ಲಾಧಿಕಾರಿ ಕೃಷ್ಣ ಬಾಜಪೇಯಿ ತಿಳಿಸಿದ್ದಾರೆ.     

ಸೋಂಕಿತ ವ್ಯಕ್ತಿ P-639 ರೋಗಿಯ ಸಹೋದರನಾಗಿದ್ದು, ಆತನೊಂದಿಗೆ ಸಂಪರ್ಕ ಹೊಂದಿದವನಾಗಿದ್ದಾನೆ. ಆತನನ್ನು ಆರೋಗ್ಯ ಇಲಾಖೆಯಿಂದ P-672 ಎಂದು ಗುರುತಿಸಲಾಗಿದೆ.

ಸೋಂಕು ಕಾಣಿಸಿರುವ ವ್ಯಕ್ತಿಯ ಮನೆಯ ಸುತ್ತಮುತ್ತಲಿನ 300 ಮೀಟರ್ ಪ್ರದೇಶವನ್ನು ಸೋಂಕಿತ ಪ್ರದೇಶವೆಂದು ಸೀಲ್ ಡೌನ್ ಮಾಡಲಾಗಿದೆ.