ಕೊರೊನಾ ವೈರಸ್ ಒಂದೇ ದಿನ ಈ ಜಿಲ್ಲೆಯ 19 ಜನರಲ್ಲಿ ದೃಢ ಪಡುವ ಮೂಲಕ ಸೋಂಕಿತರ ಸಂಖ್ಯೆ ನೂರರ ಗಡಿ ದಾಟುವಂತೆ ಮಾಡಿದೆ.
ದಾವಣಗೆರೆಯಲ್ಲಿ 19 ಜನರಿಗೆ ಕೊರೋನಾ ಸೋಂಕು ಇರುವುದು ದೃಢಪಟ್ಟಿದೆ. ಈ ಮೂಲಕ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ ನೂರರ ಗಡಿ ದಾಟಿದೆ.
ಕಳೆದ ನಾಲ್ಕು ದಿನಗಳಲ್ಲಿ ಕೇವಲ ಎರಡು ಪ್ರಕರಣ ಮಾತ್ರ ದೃಢಪಟ್ಟ ಪರಿಣಾಮ ಜಿಲ್ಲೆಯ ಜನರು ಸಮಾಧಾನದ ನಿಟ್ಟುಸಿರು ಬಿಟ್ಟಿದ್ದರು. ಆದರೆ ಒಮ್ಮೆಲೆ ಹತ್ತೊಂಭತ್ತು ಪ್ರಕರಣಗಳು ಧೃಡಪಡುವ ಮೂಲಕ ಜನರು ಮತ್ತೆ ಆತಂಕಗೊಳ್ಳುವಂತಾಗಿದೆ.
ಸೋಂಕಿತರಲ್ಲಿ ರೋಗಿ ಸಂಖ್ಯೆ662 ರ ನೇರ ಸಂಪರ್ಕದಿಂದ ಆರು ಜನರಿಗೆ ಸೋಂಕು ತಗುಲಿದ್ದರೆ, ಮತ್ತಿಬ್ಬರು ಕೇರಳ ಹಾಗೂ ಅಹಮದಬಾದಿನಿಂದ ಬಂದ ಪ್ರಯಾಣಿಕರಾಗಿದ್ದಾರೆ. ಈ ಪೈಕಿ ಒಂಭತ್ತು ಮಂದಿ ಮಹಿಳೆಯರು, ನಾಲ್ವರು ಮಕ್ಕಳು ಸೇರಿದ್ದಾರೆ. ಜಿಲ್ಲೆಯಲ್ಲಿ ಸಕ್ರಿಯ ಪ್ರಕರಣಗಳ ಸಂಖ್ಯೆ ನೂರ ಮೂರಕ್ಕೆ ಏರಿಕೆಯಾಗಿದೆ. ಸದ್ಯ ನಗರದಲ್ಲಿ ಒಂಭತ್ತು ಕಂಟೈನ್ ಮೆಂಟ್ ಝೋನ್ ಗಳನ್ನು ಗುರುತಿಸಿ ಸೀಲ್ ಡೌನ್ ಮಾಡಲಾಗಿದೆ.
