ಮಕ್ಕಳ ಮಾರಾಟ ಜಾಲ: ಬಿಜೆಪಿ ನಾಯಕಿಯ ಬಂಧನ

ಸುಮಾರು 25 ಮಕ್ಕಳನ್ನು ದೇಶ ವಿದೇಶಗಳಿಗೆ ಮಾರಾಟ ಮಾಡಿರುವ ಪ್ರಮುಖ ಆರೋಪಿ ಜೂಹಿ ಚೌಧರಿಯನ್ನು ಸಿಐಡಿ ಅಧಿಕಾರಿಗಳು ಬಂಧಿಸಿದ್ದಾರೆ.

ಬಿಜೆಪಿ ಮಹಿಳಾ ಮೋರ್ಚಾದ ರಾಜ್ಯ ಪ್ರಧಾನ ಕಾರ್ಯದರ್ಶಿ ಜೂಹಿ, ಮಕ್ಕಳನ್ನು ದತ್ತು ನೀಡುವ ನೆಪದಲ್ಲಿ ಮಕ್ಕಳನ್ನು ಮಾರಾಟ ಮಾಡುತ್ತಿದ್ದಳು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿಯಾಗಿರುವ ವಿಜಯ್ ವರ್ಗೀಯ, ಬಿಜೆಪಿ ನಾಯಕಿ ರೂಪಾ ಗಂಗೂಲಿ ಕೂಡಾ ಮಕ್ಕಳ ಮಾರಾಟದಲ್ಲಿ ಪಾತ್ರವಹಿಸಿರುವುದು ತನಿಖೆಯಲ್ಲಿ ಕಂಡು ಬಂದಿದೆ ಎಂದು ಮೂಲಗಳು ತಿಳಿಸಿವೆ.

ಮಕ್ಕಳ ಮಾರಾಟದ ಪ್ರಮುಖ ಆರೋಪಿ ಜೂಹಿ, ವಿಜಯ್ ವರ್ಗೀಯ ಮತ್ತು ರೂಪಾ ಅವರೊಂದಿಗೆ ನಿರಂತರ ಸಂಪರ್ಕದಲ್ಲಿರುವುದು ಮೊಬೈಲ್ ಸಂಭಾಷಣೆಯಿಂದ ಕಂಡು ಬಂದಿದೆ ಎಂದು ಸಿಐಡಿ ಮೂಲಗಳು ತಿಳಿಸಿವೆ.

ಆದರೆ,ಮಕ್ಕಳ ಮಾರಾಟ ಜಾಲದಲ್ಲಿ ತಮ್ಮ ಪಾತ್ರವಿರುವ ಬಗ್ಗೆ ಬಿಜೆಪಿ ಮುಖಂಡರಾದ ವಿಜಯ್ ವರ್ಗೀಯ ಮತ್ತು ರೂಪಾ ಗಂಗೂಲಿ ತಳ್ಳಿಹಾಕಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.