ಸಾಕಷ್ಟು ಗೊಂದಲಗಳನ್ನು ಸೃಷ್ಟಿಮಾಡಿದ್ದ 2015-16 ರ ಸಾಲಿನ ಸಿಇಟಿ ಫಲಿತಾಂಶ ಇಂದು ಪ್ರಕಟಗೊಂಡಿದೆ.
ಮೆಡಿಕಲ್ ವಿಭಾಗದಲ್ಲಿ ಮೂಡಬಿದರೆಯ ಆಳ್ವಾಸ್ ಪಿಯು ಕಾಲೇಜಿನ ವಿದ್ಯಾರ್ಥಿ ಅನಂತ್. ಜಿ ರಾಜ್ಯಕ್ಕೆ ಪ್ರಥಮ ಸ್ಥಾನ ಪಡೆದುಕೊಂಡಿದ್ದು, ಹಾಗೇ ಹೋಮಿಯೋಪತಿಕ ವಿಭಾಗದಲ್ಲಿ 3ನೇಯ ಸ್ಥಾನ ಪಡೆದುಕೊಂಡಿದ್ದಾರೆ. ಬೆಂಗಳೂರಿನ ಶೇಷಾದ್ರಿಪುರಂ ಕಾಲೇಜಿನ ವಿದ್ಯಾರ್ಥಿ ಸಂಜಯ್ ಗೌಡ ಎರಡನೇಯ ಸ್ಥಾನ ಪಡಿದುಕೊಂಡಿದ್ದು, ಹೋಮಿಯೋಪತಿಕ ವಿಭಾಗದಲ್ಲಿ ರಾಜ್ಯಕ್ಕೆ ಪ್ರಥಮ ಸ್ಥಾನಗಳಿಸಿದ್ದಾರೆ. ಬೀದರ್ ಶಾಹಿನ್ ಕಾಲೇಜಿನ ವಿದ್ಯಾರ್ಥಿ ವಚನಾ ಪಾಟೀಲ್ ಮೂರನೇಯ ಸ್ಥಾನ ಪಡೆದುಕೊಂಡಿದ್ದು, ಹೋಮಿಯೋಪತಿಕ ವಿಭಾಗದಲ್ಲಿ ಎರಡನೇಯ ಸ್ಥಾನ ಪಡಿದುಕೊಂಡಿದ್ದಾರೆ.
ಇಂಜಿನಿಯರಿಂಗ್ ವಿಭಾಗದಲ್ಲಿ ಬೆಂಗಳೂರಿನ ಸರ್ದಾರ್ ವಲ್ಲಭಬಾಯಿ ಪಟೇಲ್ ಪಿಯು ಕಾಲೇಜಿನ ಮಿಲಿಂದ್ ಕುಮಾರ ರಾಜ್ಯಕ್ಕೆ ಪ್ರಥಮ ಸ್ಥಾನ ಪಡೆದುಕೊಂಡಿದ್ದಾರೆ. ಮಂಗಳೂರಿನ ಎಕ್ಸ್‌ಪರ್ಟ್ ಕಾಲೇಜಿನ ವಿದ್ಯಾರ್ಥಿ ನಿರಂಜನ್ ಕಾಮತ್ ದ್ವೀತಿಯ ಮತ್ತು ಬೆಂಗಳೂರಿನ ಕೆ.ಎಲ್‌.ಇ ಕಾಲೇಜಿನ ವಿದ್ಯಾರ್ಥಿ ದಿವ್ಯಾ ಜಮಖಂಡಿ ಮೂರನೇಯ ಸ್ಥಾನ ಪಡೆದುಕೊಂಡಿದ್ದಾರೆ.
ಆರ್ಕೆಟೆಕ್ಚ್ ವಿಭಾಗದಲ್ಲಿ ಬೆಂಗಳೂರಿನ ಬಾಣಸವಾಡಿಯ ಸಿಎಂಆರ್ ಸಂಸ್ಥೆಯ ಸಿ.ಆರ್.ಮೃದುಲಾ ಪ್ರಥಮ ಸ್ಥಾನ ಪಡೆದುಕೊಂಡಿದ್ದಾರೆ. ಅಮೃತಾ ಅಕಾಡೆಮಿಯ ಐಶ್ವರ್ಯಾ ಮಹದೇವನ್ ದ್ವಿತೀಯ ಸ್ಥಾನ ಮತ್ತು ಸೂಫಿಯಾ ಕಾಲೇಜಿನ ವಿದ್ಯಾರ್ಥಿ ನೇಹಾ ಸಾರಾ ಅಬ್ರಾಹಂ ಮೂರನೇಯ ಸ್ಥಾನ ಪಡೆದುಕೊಂಡಿದ್ದಾರೆ.
ವೆಬ್‌ದುನಿಯಾ ಮೊಬೈಲ್ ಆಪ್ (ಡೌನ್‌ಲೋಡ್) ಮಾಡಿಕೊಂಡು ತಾಜಾ ಸುದ್ದಿಗಳನ್ನು ಪಡೆಯಿರಿ.
