ಕಾರ್ ಗ್ಲಾಸ್ ಒಡೆದು ಹಾಡ ಹಗಲೇ ಅಪಾರ ನಗದು ದರೋಡೆ

ಹಾಡ ಹಗಲಲ್ಲೇ ಕಾರಿನ ಗಾಜು ಒಡೆದು ಲಕ್ಷಾಂತರ ರೂಪಾಯಿ ಅಪಹರಿಸಿರುವ ಘಟನೆ ನಡೆದಿದೆ.

ಕಲಬುರಗಿ ನಗರದ ಮಿನಿ ವಿಧಾನಸೌಧ ಆವರಣದಲ್ಲಿ ಈ ಘಟನೆ ನಡೆದಿದೆ. ಹರಿಪ್ರಸಾದ್ ಎಂಬುವರು 1 ಲಕ್ಷ ನಗದನ್ನು ಕಾರಿನಲ್ಲಿಟ್ಟು ಕಳೆದುಕೊಂಡವರು.

ಬ್ಯಾಂಕಿನಲ್ಲಿ ಠೇವಣಿ ಮಾಡಲು ಹಣ ತಂದಿದ್ದ ಹರಿಪ್ರಸಾದ್ ಮಾರ್ಗದ ನಡುವೆ ಮಿನಿವಿಧಾನಸೌಧ ದಲ್ಲಿ ವಯಕ್ತಿಕ ಕೆಲಸಕ್ಕಾಗಿ ಬಂದಿದ್ದರು.

ಆವರಣದಲ್ಲಿ ಕಾರು ನಿಲ್ಲಿಸಿ ಹೋಗಿದ್ದರು. ಹೊಂಚು ಹಾಕಿದ್ದ ಖದೀಮರು ಕಾರಿನೊಳಗಿದ್ದ ಹಣದ ಬ್ಯಾಗ್ ನೊಂದಿಗೆ ಪರಾರಿಯಾಗಿದ್ದಾರೆ. ಈ ಕುರಿತು ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.