ಬೆಂಗಳೂರು: ಬ್ರಿಟನ್ ರಾಜ, ಕಿಂಗ್ಸ್ ಮೂರನೇ ಚಾರ್ಲ್ಸ್ ಬೆಂಗಳೂರಿಗೆ ಭೇಟಿ ನೀಡಿದ್ದಾರೆ. ಇದೊಂದು ವೈಯಕ್ತಿಕ ಭೇಟಿಯಾಗಿದೆ.
ವೈದ್ಯಕೀಯ ಸೌಲಭ್ಯ ಪಡೆಯುವ ಉದ್ದೇಶದಿಂದ ಚಾರ್ಲ್ಸ್ ದಂಪತಿ ಆಗಮಿಸಿದ್ದಾರೆ. ವೈಟ್ಫೀಲ್ಡ್ ಬಳಿಯ ಆರೋಗ್ಯ ಕೇಂದ್ರದಲ್ಲೇ ಅವರು ನೆಲೆಸಿದ್ದಾರೆ.
ಕಳೆದ ವರ್ಷ ಮೇ 6ರಂದು ಬ್ರಿಟನ್ ರಾಜನಾಗಿ ಪಟ್ಟಾಭಿಷೇಕ ಮಾಡಿಕೊಂಡ ಬಳಿಕ ಚಾರ್ಲ್ಸ್, ಬೆಂಗಳೂರಿಗೆ ಇದೇ ಮೊದಲ ಬಾರಿ ಭೇಟಿ ನೀಡುತ್ತಿದ್ದಾರೆ. ರಾಜಕುಮಾರನ ಜೊತೆ ರಾಣಿ ಕ್ಯಾಮಿಲಾ ಕೂಡ ಆಗಮಿಸಿದ್ದಾರೆ.
ಮೂರು ದಿನದ ಪ್ರವಾಸ ಕೈಗೊಂಡಿರುವ ದಂಪತಿ ಹೋಲಿಸ್ಟಿಕ್ ಕೇಂದ್ರಕ್ಕೆ ಭೇಟಿ ನೀಡಲಿದೆ. ಹೊಸ ಪುನರ್ಜೀವನ ನೀಡುವ ಈ ಚಿಕಿತ್ಸೆಯಲ್ಲಿ ಯೋಗ, ಧ್ಯಾನ ಸೇರಿದಂತೆ ಇತರ ಥೆರಪಿಗಳಿರಲಿವೆ.
ಈ ಹೋಲಿಸ್ಟಿಕ್ ಕೇಂದ್ರಕ್ಕೆ ಕಿಂಗ್ ಚಾರ್ಲ್ಸ್ ಈ ಹಿಂದೆ ಕೂಡ ಭೇಟಿ ನೀಡಿದ್ದರು. 30 ಎಕರೆ ವಿಸ್ತಿರ್ಣದ ಈ ಆರೋಗ್ಯ ಕೇಂದ್ರದಲ್ಲೇ 2019ರಲ್ಲಿ ತಮ್ಮ 71ನೇ ಜನ್ಮದಿನ ಆಚರಿಸಿಕೊಂಡಿದ್ದರು.
