ಇತ್ತೀಚಿನ ದಿನಗಳಲ್ಲಿ ಬಾಡಿ ಬಿಲ್ಡ್ ಮಾಡುವ ಕ್ರೇಜ್ ಹೆಚ್ಚಾಗುತ್ತಿದೆ. ಸಿಕ್ಸ್ ಪ್ಯಾಕ್ ಹುಚ್ಚಿಗೆ ಬಿದ್ದ ಯುವಕರು ಬಹು ಬೇಗ ರಿಸಲ್ಟ್ ಪಡೆಯಲು ಸ್ಟಿರಾಯ್ಡ್ ಮೊರೆ ಹೋಗುವ ಮೂಲಕ ಜೀವಕ್ಕೆ ಅಪಾಯ ತಂದುಕೊಳ್ಳುತ್ತಿದ್ದಾರೆ. ಬೆಂಗಳೂರಿನ ಯುವಕೊನೊಬ್ಬ ಸಿಕ್ಸ್ ಪ್ಯಾಕ್ ಹುಚ್ಚಿಗೆ ಬಿದ್ದು ಸ್ಟಿರಾಯ್ಡ್ ತೆಗೆದುಕೊಂಡು ಜೀವಬಿಟ್ಟಿದ್ದಾನೆ.
ಕಿರಣ್ ಎಂಬ 28 ವರ್ಷದ ಯುವಕ ಸ್ಟಿರಾಯ್ಡ್ ತೆಗೆದುಕೊಂಡು ಬ್ರೈನ್ ಸ್ಟ್ರೋಕ್ ಆಗಿ ಮೃತಪಟ್ಟಿದ್ದಾನೆ. ವಿಪರ್ಯಾಸವೆಂದರೆ ಜಿಮ್ ಟ್ರೈನರ್ ಒಬ್ಬರೇ ಈತನಿಗೆ ಸ್ಟಿರಾಯ್ಡ್ ಪಡೆಯಲು ಸೂಚಿಸಿದ್ದರಂತೆ. ಒಂದು ಮೂಲದ ಪ್ರಕಾರ, ಕುದುರೆಗಳಿಗೆ ಕೊಡಲಾಗುವ ಸ್ಟಿರಾಯ್ಡ್ ಅನ್ನ ಯುವಕನಿಗೆ ನೀಡಲಾಗಿತ್ತಂತೆ.
ಸ್ಟಿರಾಯ್ಡ್ ಸೈಡ್ ಎಫೆಕ್ಟ್`ನಿಂದ ಅಸ್ವಸ್ಥಗೊಂಡಿದ್ದ ಯುವಕ ಬೆಂಗಳೂರಿನ ಮಲ್ಲಿಗೆ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾನೆ.
