ಬೆಂಗಳೂರು:ಎಂಥಾ ಅಪಾಯಕಾರಿ ಬೆಳವಣಿಗೆ.. ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಸಿಗರೇಟ್ ಕಂಪನಿಗಳು ತಮ್ಮ ಮಾರುಕಟ್ಟೆ ವಿಸ್ತರಣೆಗಾಗಿ ಅಪಾಯಕಾರಿ ಪ್ರಚಾರಗಳಲ್ಲಿ ತೊಡಗಿಕೊಂಡಿದ್ದಾರೆ. ಜನರನ್ನು ಅಕರ್ಷಿಸುವ ಸಲುವಾಗಿ ಟೀ ಸ್ಟಾಲ್ ಗಳಲ್ಲಿ ಟೀ ತೆಗೆದುಕೊಂಡರೆ ಸಿಗರೇಟ್ ನ್ನು ಉಚಿತವಾಗಿ ನೀಡಲಾಗುತ್ತಿದೆ ಎಂದು ತಿಳಿದುಬಂದಿದೆ.
ಈ ಬೆಳವಣಿಗೆಯಿಂದಾಗಿ ಯುವಕರು, ಬಾಲಕರು ಮಾತ್ರವಲ್ಲ, ಸಿಗರೇಟ್ ಅಭ್ಯಾಸವಿಲ್ಲದವರೂ ಸಿಗರೇಟ್ ಚಟಕ್ಕೆ ತುತ್ತಾಗಲು ಕಾರಣವಾಗಿದೆ. ಬೆಂಗಲೂರು ದಕ್ಷಿಣ ಡಿಸಿಪಿ ವಿಭಾಗ ಮತ್ತು ಪಶ್ಚಿಮ ವಿಭಾಗದ ಶಾಲಾ ಕಾಲೇಜುಗಳ ಆವರಣದಲ್ಲಿ ಈ ರೀತಿ ಅನಾರೋಗ್ಯಕರ ಸಿಗರೇಟ್ ಜಾಹೀರಾತು ಮಾರಾಟ ಜಾಲ ಕಂಡು ಬಂದಿದ್ದು, ಪೊಲೀಸರು ಪ್ರಕರಣಗಳನ್ನು ಕೂಡ ದಾಖಲಿಸಿಕೊಂಡು ಕ್ರಮಕೈಗೊಂಡಿದ್ದಾರೆ.
ಫಿಲಿಪ್ ಮೋರಿಸ್ ಕಂಪನಿಯ ಮೆಲ್ಬೋರೋ ಬ್ರ್ಯಾಂಡ್ ನ ಸಿಗರೇಟ್ ಮಾರಾಟಗಾರರು, ಏಜೆನ್ಸಿಗಳು ಈ ರೀತಿ ಅಪಾಯಕಾರಿ ಪೈಪೋಟಿಗಳಿಗೆ ಇಳಿದಿರುವುದು ವ್ಯಾಪಕ ಟೀಕೆಗೆ ಕಾರಣವಾಗಿದೆ. ಇನ್ನು ಈ ಕಂಪನಿ ತಮ್ಮ ಬ್ರ್ಯಾಂಡ್ ಪ್ರಮೋಷನ್ ಗೆ ಆಕರ್ಷಕ ಉಡುಗರೆಯನ್ನೂ ನೀಡಿ, ಬೈಕ್-ಕಾರ್ ಗಳನ್ನು ಕೊಡುಗೆ ನೀಡಿ ಯುವಕ-ಯುವತಿಯರನ್ನು ಆಕರ್ಷಿಸಲು ಶಾಲಾ-ಕಾಲೇಜು ಆವರಣಗಳಲ್ಲಿ ತಮ್ಮ ಬ್ರ್ಯಾಂಡ್ ನ್ ಸಿಗರೇಟ್ ಹಿಡಿದು ಓಡಾಡುವಂತೆ, ಉಚಿತ ಸಿಗರೆಟ್ ಕೂಡ ವಿತರಿಸುತ್ತಿದೆ ಎಂಬ ಆರೋಪ ಕೇಳಿಬಂದಿದೆ.
