Publish Date: Mon, 11 Dec 2023 (20:43 IST)
Updated Date: Mon, 11 Dec 2023 (20:47 IST)
ನಮ್ಮ ಸಮುದಾಯದಲ್ಲಿ ಇನ್ನೊಬ್ಬ ನಾಯಕ ಆಗ್ತಾನೆ ಅಂದ್ರೆ ಬಹಳ ಸಂತೋಷ ಎಂದು ಕಾಂಗ್ರೆಸ್ ಪಕ್ಷದ ಹಿರಿಯ ನಾಯಕ ಬಿ. ಕೆ. ಹರಿಪ್ರಸಾದ್ ಹೇಳಿದ್ದಾರೆ. ಇನ್ನು ಮಧು ಬಂಗಾರಪ್ಪ ಅವರನ್ನ ಮುಂದೆ ಬಿಟ್ಟು ನಿಮ್ಮನ್ನು ಸೈಡ್ ಲೈನ್ ಮಾಡುತ್ತಿದ್ದಾರೆ ಎಂಬ ವಿಚಾರವಾಗಿ ಸುವರ್ಣಸೌಧದಲ್ಲಿ ಪ್ರತಿಕ್ರಿಯಿಸಿದ ಅವರು ನಮ್ಮ ಸಮುದಾಯದಲ್ಲಿ ಇನ್ನೊಬ್ಬ ನಾಯಕ ಆಗ್ತಾನೆ ಅಂದ್ರೆ ಬಹಳ ಸಂತೋಷ. ಸೈಡ್ ಲೈನ್ ಮಾಡೋದು ಎಲ್ಲಾ ಬಹಳ ವರ್ಷಗಳಿಂದ ನೋಡ್ತಿದ್ದೇನೆ.
ನಾನು ಯಾವ ದಾಟಿಯಲ್ಲೂ ಹೇಳ್ತಾ ಇಲ್ಲ. ಹಿಂದುಳಿದವರ ಸಮೀಕ್ಷೆ ಆಗಬೇಕು ಅಂತಾ ರಾಹುಲ್ ಗಾಂದಿ ಹೇಳಿದ್ದಾರೆ. ಹಿಂದುಳಿದ ವರ್ಗದವರನ್ನ ಹೊಡೆಯಬಾರದು. ನಿನ್ನೆ ಎಲ್ಲಾ ಸ್ವಾಮೀಜಿಗಳು ಇರಲಿಲ್ಲ. ಕೆಲವರನ್ನ ಬಿಟ್ಟು ಮಾಡೋದು ತಪ್ಪು ಅಂತಾ ಹೇಳಿದ್ದೀನಿ. ಕೋಟಿ ಚೆನ್ನಯ್ಯ ಥೀಮ್ ಪಾರ್ಕ್ ಗೆ ಐದು ಕೋಟಿ ಕೊಟ್ಟಿದ್ದೀನಿ ಎಂದ್ರು. ಎಲ್ಲಿ ಕೊಟ್ಟಿದ್ದಾರೋ ಗೊತ್ತಿಲ್ಲ. ನಾನು ಸಮಾವೇಶ ಮಾಡಿದ್ದಕ್ಕೆ ತಾನೇ ಇನ್ನೊಂದು ಸಮಾವೇಶ ಆಗಿದ್ದು. ಸರಣಿ ಸಮಾವೇಶ ಆಗ್ತಿದೆ,ಒಳ್ಳೇದು ಎಂದು ಹೇಳಿದ್ದಾರೆ.