ಆಟೋ ಲಿಂಕ್ಸ್ ನಿಂದ ಟ್ರಯಲ್ ಗೆ ತಂದಿದ್ದ ಕಾರು ರಸ್ತೆ ಮಧ್ಯೆ ಧಗ-ಧಗ ಹೊತ್ತಿ ಉರಿದ ಘಟನೆ ಚಿಕ್ಕಮಗಳೂರು ನಗರದ ಬೈಪಾಸ್ ರಸ್ತೆಯಲ್ಲಿ ನಡೆದಿದೆ. ಬೆಂಗಳೂರಿನ ನೋಂದಣಿ ಹೊಂದಿರುವ ಕಾರು ನಗರದ ಆಟೋ ಲಿಂಕ್ಸ್ ಒಂದರಲ್ಲಿ ಮಾರಾಟಕ್ಕೆ ಇತ್ತು. ಈ ಕಾರಣ ಕೊಂಡುಕೊಳ್ಳಲು ವರ್ತಕರು ಟ್ರಯಲ್ ಗೆ ತಂದಾಗ ರಸ್ತೆ ಮಧ್ಯೆಯೇ ಧಗ-ಧಗ ಹೊತ್ತಿ ಉರಿಯಿದೆ. ಕಾರಲ್ಲಿ ಬೆಂಕಿ ಕಾಣಿಸಿಕೊಳ್ಳುತ್ತಿದ್ದಂತೆ ಕಾರಿನಲ್ಲಿದ್ದ ಮೂವರು ಕೆಳಗೆ ಇಳಿದಿದ್ದಾರೆ. ಕೂಡಲೇ ರಸ್ತೆ ಮಧ್ಯೆ ಕಾರಿನಲ್ಲಿ ಬೆಂಕಿ ಹತ್ತಿಕೊಂಡು ದಟ್ಟ ಹೊಗೆ ಆವರಿಸಿತ್ತು. ಕಾರಿನಲ್ಲಿದ್ದ ಮೂವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಕೂಡಲೇ ಸ್ಥಳಕ್ಕೆ ಬಂದ ಅಗ್ನಿಶಾಮಕ ಸಿಬ್ಬಂದಿಗಳು ಕಾರಿನಲ್ಲಿ ಹೊತ್ತಿಕೊಂಡಿದ್ದ ಬೆಂಕಿಯನ್ನು ನಂದಿಸಿದ್ದಾರೆ. ಆಟೋ ಲಿಂಕ್ಸ್ ನಲ್ಲಿ ಕಡಿಮೆ ರೇಟಿಗೆ ಒಳ್ಳೆಯ ಕಾರುಗಳು ಸಿಗುತ್ತವೆ ಎಂದು ಕೊಂಡುಕೊಳ್ಳಲು ಮುಂದಾಗುವವರು ಒಮ್ಮೆ ಯೋಚಿಸಬೇಕಾದ ಸ್ಥಿತಿ ಎದುರಾಗಿದೆ.
