ಸೈಟ್ ಆಸೆಗಾಗಿ ಪತ್ನಿಯನ್ನೇ ಕೊಂದ ಕಿರಾತಕ ಗಂಡ

ಪತ್ನಿಯ ತವರು ಮನೆಯವರ ಹೆಸರಲ್ಲಿದ್ದ ಸೈಟ್ ಮೇಲೆ ಕಣ್ಣು ಹಾಕಿದ ಕಿರಾತಕ ಗಂಡನೊಬ್ಬ ಪತ್ನಿಯನ್ನೇ ಕೊಲೆ ಮಾಡಿರೋ ಆರೋಪ ಕೇಳಿಬಂದಿದೆ.

ವರದಕ್ಷಿಣೆಗಾಗಿ ಪತಿ ಮನೆಯವರಿಂದ ಪತ್ನಿಯ ಮೇಲೆ ಹಲ್ಲೆ ಮಾಡಿ ಕೊಲೆ ಮಾಡಲಾಗಿದೆ. ಹೀಗಂತ ಪತ್ನಿಯ ಸಂಬಂಧಿಕರಿಂದ ಆರೋಪ ಕೇಳಿಬಂದಿದೆ.

ಮಂಡ್ಯದ ಕಿಕ್ಕೇರಿ ಗ್ರಾಮದ ವಿನಯ್ ಎಂಬುವರ ಪತ್ನಿ ನಂದಿನಿ ಕೊಲೆಯಾಗಿರುವ ಗೃಹಿಣಿ.

ಪತಿ ವಿನಯ್, ತಾಯಿ ವನಜಾಕ್ಷಿ, ಸಹೋದರರಾದ ವಿಕ್ರಮ, ವಿಜಯ್ ಮತ್ತು ಸಂಬಂಧಿಕ ಸಾಗರ್ ಎಂಬುವವರು ಕೊಲೆ ಮಾಡಿರುವುದಾಗಿ ಆರೋಪಿಸಲಾಗಿದೆ.

ಮೂರು ವರ್ಷದ ಹಿಂದೆ ವಸಂತಪುರ ಗ್ರಾಮದ ಶಿವಣ್ಣರ ಮಗಳ ನಂದಿನಿಯನ್ನು ವಿನಯ್ ಅವರಿಗೆ ವಿವಾಹ ಮಾಡಿಕೊಡಲಾಗಿತ್ತು.
ಆ ವೇಳೆ ಕಾಲು ಕೆಜಿ ಚಿನ್ನ, ಒಂದು ಕೆಜಿ ಬೆಳ್ಳಿ ನೀಡಲಾಗಿತ್ತು.

ಈ ನಡುವೆ ಪತ್ನಿಯನ್ನು ಪತಿ ಮತ್ತು ಅವರ ತಾಯಿ ನಿಮ್ಮ ತಂದೆಯಿಂದ ಕೆ.ಆರ್.ಪೇಟೆಯಲ್ಲಿ ಸೈಟ್ ಬರೆಸಿಕೊಡುವಂತೆ ಹಿಂಸೆ ನೀಡುತ್ತಿದ್ದರು ಎನ್ನಲಾಗಿದೆ.