ಪ್ರೀತಿಗಾಗಿ ಏನು ಬೇಕಾದರೂ ಮಾಡುತ್ತೇನೆ ಎಂದು ಡೈಲಾಗ್ ಹೊಡೆಯುವವರನ್ನ ನೋಡೇ ಇರುತ್ತೀರಿ. ಆದರೆ, ಇಲ್ಲಿ ಈ ಹುಡುಗರು ಮಾಡಿರೋದನ್ನ ಕೇಳಿದರೆ ಮೂಗಿನ ಮೇಲೆ ಬೆರಳಿಟ್ಟುಕೊಳುತ್ತಿರಿ. ಹೌದು, ಕಲಬುರಗಿಯ ಇಬ್ಬರು ಯುವಕರು ಹುಡುಗಿಯರಿಗಾಗಿ ಬೈಕ್`ಗಳನ್ನ ಕದಿಯುವ ದಾರಿ ಹಿಡಿದಿದ್ದರು.ಇದೀಗ, ಸಿಕ್ಕಿಬಿದ್ದು ಕಂಬಿ ಎಣಿಸುತ್ತಿದ್ದಾರೆ.
ಬಂಧಿತರನ್ನ ರಾಕೇಶ್ ಮತ್ತು ಸೋಮನಾಥ ಎಂದುಗುರ್ತಿಸಲಾಗಿದೆ. ಡಿಯೋ ಬೈಕ್`ಗಳನ್ನ ಮಾತ್ರ ಕದಿಯುತ್ತಿದ್ದ ಿವರು ತಮ್ಮ ಹುಡುಗಿಯರಿಗೆ ಉಡುಗೊರೆಯಾಗಿ ಕೊಡುತ್ತಿದ್ದರು. ಅದೃಷ್ಟವಶಾತ್ ಹುಡುಗಿಯರರ್ಯಾರು ಸಿಕ್ಕಿ ಬೀಳಲಿಲ್ಲ. ಸಿಸಿಟಿವಿಯಲ್ಲಿ ಸೆರೆಯಾಗಿದ್ದ ಕಳ್ಲತನ ದೃಶ್ಯದ ಜಾಡು ಹಿಡಿದ ಆರ್.ಜೆ. ನಗರ ಪೊಲೀಸರು ಬಂಧಿಸಿ ಕಂಬಿ ಹಿಂದೆ ತಳ್ಳಿದ್ದಾರೆ.
ಬಂಧಿತರಿಂದ 4 ಡಿಯೋ ಬೈಕ್ ವಶಪಡಿಸಿಕೊಳ್ಳಲಾಗಿದೆ. ಮತ್ತೊಬ್ಬ ಖದೀಮನಿಗಾಗಿ ಪೊಲೀಸರು ಹುಡುಕಾಟ ನಡೆಸುತ್ತಿದ್ದಾರೆ. ಕಳ್ಳರಿಂದ ಬೈಕ್ ಉಡುಗೊರೆಯಾಗಿ ಪಡೆದ ಹುಡುಗಿಯರೂ ಸಿಲುಕಿಕೊಳ್ಳುವ ಸಾಧ್ಯತೆ ಇದೆ.