ಬ್ರೇಕ್ ಫೇಲ್ ಆದ ಹಿನ್ನೆಲೆಯಲ್ಲಿ 12 ಚಕ್ರದ ಕಂಟೈನರ್ ವಾಹನ ಟೀಅಂಗಡಿಗೆ ನುಗ್ಗಿರುವ ಘಟನೆ ಬೆಂಗಳೂರಿನ ನಾಗಾವಾರ ಬಳಿ ನಡೆದಿದೆ. ಅದೃಷ್ಟವಶಾತ್ ಟೀ ಮತ್ತು ಪಂಚರ್ ಅಂಗಡಿಯಲ್ಲಿ ಯಾರೂ ಇಲ್ಲದ ಕಾರಣ ಯಾವುದೇ ಅಪಘಾತ ಸಂಭವಿಸಿಲ್ಲ.
ಫ್ಲೈಓವರ್`ನಿಂದ ಇಳಿದ ಕಂಟೈನರ್ ಟೀ ಅಂಗಡಿಗೆ ನುಗ್ಗಿದೆ. ಪಂಚರ್ ಅಂಗಡಿ ಮತ್ತು ಟೀ ಅಂಗಡಿ ನಜ್ಜುಗುಜ್ಜಾಗಿದೆ. ಪಕ್ಕದಲ್ಲೇ ಟ್ರಾನ್ಸ್ ಫಾರ್ಮರ್ ಸಹ ಇದ್ದು, ಕಂಟೈನರ್ ಅದಕ್ಕೆ ಡಿಕ್ಕಿ ಹೊಡೆದಿಲ್ಲ. ಮಧ್ಯಾಹ್ನ 12.30ರ ಸುಮಾರಿಗೆ ಘಟನೆ ನಡೆದಿದ್ದು, ಚಾಲಕ ಪರಾರಿಯಾಗಿದ್ದಾನೆ. ಕ್ಲೀನರ್`ಗೆ ಸಣ್ನಪುಟ್ಟ ಗಾಯಗಳಾಗಿವೆ.
ಈ ಕುರಿತು, ಪ್ರತಿಕ್ರಿಯಿಸಿರುವ ಸ್ಥಳೀಯರು ಪ್ರತಿ ದಿನ ಟೀ ಅಂಗಡಿ ಮುಂದೆ ಹತ್ತಾರು ಜನ ಇರುತ್ತಾರೆ. ಆದರೆ, ಹಬ್ಬದ ಹಿನ್ನೆಲೆಯಲ್ಲಿ ಅಂಗಡಿ ಮುಚ್ಚಿದ್ದರಿಂದ ಯಾರೂ ಇರಲಿಲ್ಲ. ದೊಡ್ಡ ಪಾಯವೊಮದು ತಪ್ಪಿದೆ ಎಂದು ತಿಳಿಸಿದ್ದಾರೆ.
