ಗ್ಯಾರಂಟಿ ಜಾರಿಗೆ ಅಧಿಕಾರಿಗಳಿಗೆ ಟಾರ್ಗೆಟ್

ಅಧಿಕಾರಿಗಳನ್ನ ಕಾರ್ಯಕರ್ತರಂತೆ ಬಳಸಿಕೊಳ್ತಾ ಸರ್ಕಾರ?ಗೃಹಲಕ್ಷ್ಮೀ ಯೋಜನೆ ಜಾರಿಗೆ ಅಧಿಕಾರಿಗಳಿಗೆ ಟಾರ್ಗೆಟ್ ನೀಡಲಾಗಿದೆ ಅಂತಾ ಎನ್ ಆರ್ ರಮೇಶ್ ಆರೋಪ ಮಾಡಿದ್ದಾರೆ.

ಪ್ರತಿವಾರ್ಡ್ ನಿಂದ ತಲಾ 2 ಸಾವಿರ ಮಹಿಳೆಯರನ್ನ ಕರೆತರಲು ಆದೇಶ ಮಾಡಲಾಗಿದೆ.ಆಗಸ್ಟ್ 16 ರಂದು ಬೆಳಗಾವಿಯಲ್ಲಿ ಗೃಹಲಕ್ಷ್ಮೀ ಯೋಜನೆ ಉದ್ಘಾಟನೆ ಮಾಡಲಿದ್ದಾರೆ.ಈ ವೇಳೆ ಕಾರ್ಯಕ್ರಮಕ್ಕೆ ಮಹಿಳೆಯರನ್ನ ಕರೆತರಲು ಟಾಸ್ಕ್ ನೀಡಲಾಗಿದೆ ಅಂತಾ ಬಿಬಿಎಂಪಿ,ಕಂದಾಯ ಅಧಿಕಾರಿಗಳಿಗೆ ಟಾಸ್ಕ್ ನೀಡಲಾಗಿದೆ.ಆರ್ ಒ,ಎಆರ್ ಒಗಳಿಗೆ ಟಾಸ್ಕ್ ಸರ್ಕಾರ ನೀಡಿದೆ.ಪ್ರತಿ ವಾರ್ಡ್ ನಿಂದ ಮಹಿಳೆಯರನ್ನ ಕರೆತರಲು ಸೂಚನೆ ನೀಡಲಾಗಿದೆ.ಸರ್ಕಾರದ ನಡೆಗೆ ದಕ್ಷಿಣ ಜಿಲ್ಲಾ ಬಿಜೆಪಿ ಘಟಕದ ಅಧ್ಯಕ್ಷ ಎನ್.ಆರ್.ರಮೇಶ್ ಕಿಡಿಕಾರಿದ್ದಾರೆ.

ಸರ್ಕಾರ ಅಧಿಕಾರಿಗಳನ್ನ ಕಾರ್ಯಕರ್ತರಂತೆ ಬಳಸಿಕೊಳ್ತಿದೆ.ಈ ಬಾರಿ ಜನರನ್ನ ಸೇರಿಸುವ ಟಾಸ್ಕ್ ಕೊಟ್ಟಿದೆ ಅಂತಾ ಕಿಡಿಕಾರಿದ್ದು,ಇದರಿಂದ ಅಧಿಕಾರಿಗಳು ಭ್ರಷ್ಟ ಹಾದಿ ಹಿಡಿಯುತ್ತಾರೆ.ಅಕ್ಕಪಕ್ಕದ ಹೋಟೆಲ್,ಅಂಗಡಿಗಳಿಗೆ ಸಮಸ್ಯೆ ಕೊಡ್ತಾರೆ.ಸರ್ಕಾರ ಈ ರೀತಿ ಮಾಡ್ತಿರೋದು ಸರಿಯಲ್ಲ ಅಂತಾ ಬಿಜೆಪಿ ಮುಖಂಡರು ವಿರೋಧ ವ್ಯಕ್ತಪಡಿಸಿದ್ದಾರೆ.