ಗೋಲ್ಡನ್ ಸ್ಟಾರ್ 41 ನೇ ಜನುಮದಿನದ ಸಂಭ್ರಮ

ತ್ರಿಬಲ್ ರೈಡಿಂಗ್ನಲ್ಲಿ ಗಾಳಿಪಟ ಹಾರಿಸ್ತಿದ್ದಾರೆ ಬರ್ತಡೇ ಬಾಯ್ ಗಣೇಶ್

Bangalore : ‘ಸಖತ್’ ಸಿನಿಮಾದ ಜೊತೆಗೆ ‘ತ್ರಿಬಲ್ ರೈಡಿಂಗ್’ ಹೋಗಲು ರೆಡಿಯಾಗಿದ್ದಾರೆ. ಅಷ್ಟು ಮಾತ್ರವಲ್ಲದೆ, ‘ಗಾಳಿಪಟ 2’ ಹಾರಿಸಲು ಮುಂದಾಗಿದ್ದಾರೆ ಗೋಲ್ಡನ್ ಸ್ಟಾರ್ ಗಣೇಶ್.

ನಮಸ್ಕಾರ.. ನಮಸ್ಕಾರ..ನಮಸ್ಕಾರ ಎನ್ನುತ್ತ ಅಭಿಮಾನಿಗಳ ಮನಗೆದ್ದ  ಸ್ಯಾಂಡಲ್ವುಡ್ ನಟ ಗೋಲ್ಡನ್ ಸ್ಟಾರ್ ಗಣೇಶ್ ಅವರಿಗೆ ಇಂದು ಹುಟ್ಟುಹಬ್ಬದ ಸಂಭ್ರಮ. ಮುಂಗಾರು ಮಳೆಗೆ ಗಾಳಿಪಟ ಹಾರಿಸಿದ ಈ ನಟ ಇಂದು 41ನೇ ಹುಟ್ಟುಹಬ್ಬವನ್ನು ಆಚರಿಸುತ್ತಿದ್ದಾರೆ.

ಅಭಿಮಾನಿಗಳಂತೂ ನೆಚ್ಚಿನ ನಟನಿಗೆ ಸಾಮಾಜಿಕ ಜಾಲತಾಣದ ಮೂಲಕ ಶುಭಾಶಯ ಕೋರುತ್ತಿದ್ದಾರೆ.
ಸಾಕಷ್ಟು ಅಭಿಮಾನಿ ಬಳಗವನ್ನು ಹೊಂದಿರುವ ನಟ ಗಣೇಶ್ ಕೊರೋನಾ ಸಾಂಕ್ರಾಮಿಕದಿಂದಾಗಿರುವ ಸಾವು ನೋವುಗಳಿಂದ ಈ ಬಾರಿಯ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿಲ್ಲ ಎಂದು ಹೇಳಿಕೊಂಡಿದ್ದರು. ಸಾಮಾಜಿಕ ಜಾಲತಾಣದಲ್ಲಿ ಈ ಬಗ್ಗೆ ಮಾಹಿತಿಯನ್ನು ಹಂಚಿಕೊಂಡಿದ್ದ ಅವರು ಹುಟ್ಟುಹಬ್ಬದಂದು ಹೊರಾಂಗಣ ಚಿತ್ರೀಕರಣದಲ್ಲಿ ತೊಡಗಿಕೊಂಡಿರುತ್ತೇನೆ ಎಂದಿದ್ದರು.