ಬೆಂಗಳೂರು: ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಹಲವು ಸಮಯದ ಬಳಿಕ ನಿರ್ದೇಶನಕ್ಕಿಳಿಯಲಿದ್ದಾರೆ ಎಂಬ ಸುದ್ದಿ ಲಾಕ್ ಡೌನ್ ಗೂ ಮೊದಲು ಓಡಾಡಿತ್ತು. ಇದನ್ನು ಕಿಚ್ಚ ಕೂಡಾ ಒಪ್ಪಿಕೊಂಡಿದ್ದರು. ಆದರೆ ಅದಾದ ಬಳಿಕ ಆ ಬಗ್ಗೆ ಯಾವುದೇ ಸುದ್ದಿ ಬಂದಿರಲಿಲ್ಲ.
ಹಾಗಿದ್ದರೆ ಕಿಚ್ಚ ನಿರ್ದೇಶನ ಮಾಡಬೇಕಿದ್ದ ಸಿನಿಮಾ ನಿಂತು ಹೋಯಿತೇ? ಎಲ್ಲಿಯವರೆ ಬಂತು ಆ ಪ್ಲ್ಯಾನ್? ಮೂಲಗಳ ಪ್ರಕಾರ ಕಿಚ್ಚ ಹೈದರಾಬಾದ್ ನಲ್ಲಿದ್ದಾಗ ತಮ್ಮದೇ ನಿರ್ದೇಶನದ ಸಿನಿಮಾಗೆ ಕತೆ ಬರೆಯುತ್ತಿದ್ದರಂತೆ. ಫ್ಯಾಂಟಮ್ ಸಿನಿಮಾ ಮುಗಿಸಿಕೊಂಡು ಕಿಚ್ಚ ತಮ್ಮ ನಿರ್ದೇಶನದ ಸಿನಿಮಾ ಮೇಲೆ ಕೆಲಸ ಮಾಡಲಿದ್ದಾರೆ ಎನ್ನಲಾಗಿದೆ. ಹಾಗಾಗಿ ಮುಂದಿನ ವರ್ಷ ಕಿಚ್ಚನ ನಿರ್ದೇಶನದ ಸಿನಿಮಾ ಸೆಟ್ಟೇರುವ ಸಾಧ್ಯತೆಯಿದೆ.