Daily Horoscope

Select Your Language

Notifications

webdunia
webdunia
webdunia
webdunia

ಮಲಯಾಳಂ ನಟ ಸಲೀಂ ಕುಮಾರ್ ಅಂತ್ಯಕ್ರಿಯೆಯಲ್ಲಿ ಫ್ಯಾನ್ಸ್ ಅತಿರೇಕದ ವರ್ತನೆ: ತಾಳ್ಮೆ ಕಳೆದುಕೊಂಡು ಕಿರುಚಿದ ಪುತ್ರ Video

Saleem Kumar son
Photo Credit: X
ಕೊಚ್ಚಿ: ಮಲಯಾಳಂ ಖ್ಯಾತ ನಟ ಸಲೀಂ ಕುಮಾರ್ ನಿನ್ನೆ ನಿಧನರಾಗಿದ್ದರು. ಅವರ ಅಂತ್ಯಕ್ರಿಯೆಯಲ್ಲಿ ಫ್ಯಾನ್ಸ್ ಅತಿರೇಕದ ವರ್ತನೆ ತೋರಿದ್ದು, ಅವರ ಪುತ್ರ ತಾಳ್ಮೆ ಕಳೆದುಕೊಂಡು ಕಿರುಚಿದ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ನಾವು ಭಾರತೀಯರು ಅದರಲ್ಲೂ ವಿಶೇಷವಾಗಿ ದಕ್ಷಿಣ ಭಾರತೀಯರು ಸಿನಿಮಾ ನಟರನ್ನು ನಮ್ಮ ಮನೆಯವರಂತೇ ಕಾಣುತ್ತೇವೆ. ಅಷ್ಟೊಂದು ಆರಾಧಿಸುತ್ತೇವೆ. ಆದರೆ ಈ ಅಭಿಮಾನ ಅವರ ಕುಟುಂಬದವರಿಗೆ ಉಸಿರು ಕಟ್ಟಿಸಬಾರದಲ್ವೇ?

ಇಲ್ಲಿ ನಡೆದಿದ್ದೂ ಇದೆ. ಮಲಯಾಳಂನ ಜನಪ್ರಿಯ ನಟ ಸಲೀಂ ಕುಮಾರ್ ತಮ್ಮ 56 ನೇ ವಯಸ್ಸಿನಲ್ಲಿ ಅನಾರೋಗ್ಯದಿಂದ ನಿಧನರಾದರು. ಅವರ ಅಂತಿಮ ಸಂಸ್ಕಾರದ ವೇಳೆ ಮನೆಯ ಹೊರಗೆ ಮೃತದೇಹವಿರಿಸಿ ಕುಟುಂಬಸ್ಥರು ತಮ್ಮ ಕರ್ತವ್ಯ ಮಾಡುತ್ತಿದ್ದರೆ ಸಾಕಷ್ಟು ಜನ ಅಲ್ಲಿ ನೆರೆದಿದ್ದರು.

ಅಲ್ಲಿದ್ದ ಅಭಿಮಾನಿಗಳು ನೂಕು ನುಗ್ಗಲು ನಡೆಸಿ ಕುಟುಂಬದವರಿಗೇ ನಿಲ್ಲಲೂ ಆಗದಂತೆ ಮಾಡಿಬಿಟ್ಟಿದ್ದರು. ಇದರಿಂದ ತಾಳ್ಮೆ ಕಳೆದುಕೊಂಡ ಅವರ ಪುತ್ರ ಚಂದು ಕುಮಾರ್ ಅಭಿಮಾನಿಗಳತ್ತ ಅಳುತ್ತಲೇ ದೂರ ಸರಿಯಿರಿ ಎಂದು ಕಿರುಚಾಡಿದ್ದಾರೆ. ಈ ವಿಡಿಯೋಗೆ ಸೋಷಿಯಲ್ ಮೀಡಿಯಾದಲ್ಲಿ ಸಾಕಷ್ಟು ಜನ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ. ಓರ್ವ ಸಿನಿಮಾ ನಟ ಎಂದರೆ ಪಬ್ಲಿಕ್ ಪ್ರಪಾರ್ಟಿಯಲ್ಲ. ಆತನಿಗೂ ಒಂದು ಕುಟುಂಬವಿರುತ್ತದೆ. ಆತನ ಕುಟುಂಬದವರಿಗೂ ದುಃಖವಿರುತ್ತದೆ. ಆತನನ್ನು ಶಾಂತಿಯುತವಾಗಿ ಕಳುಹಿಸಿಕೊಡಬೇಕೆಂದು ಇರುತ್ತದೆ. ಸಾವಿನ ಸಂದರ್ಭದಲ್ಲಾದರೂ ಇದಕ್ಕೆ ಅವಕಾಶ ಮಾಡಿಕೊಡಬೇಡವೇ? ಆತನ ಕುಟುಂಬದವರಿಗೆ ಅಷ್ಟಾದರೂ ನೆಮ್ಮದಿ ಕೊಡಬಾರದೇ ಎಂದು ಹಲವರು ಘಟನೆ ಬಗ್ಗೆ ಖೇದ ವ್ಯಕ್ತಪಡಿಸಿದ್ದಾರೆ.

pic.twitter.com/qPasypifNu

 

— CINE TIMES ????️ (@Cinetimess) June 7, 2026

Share this Story:

Follow Webdunia kannada

ಮುಂದಿನ ಸುದ್ದಿ

ವೈರಲ್ ಆದ ರಾಮ್‌ಚರಣ್‌ ಸೆಕ್ಯೂರಿಟಿ ಗಾರ್ಡ್‌ ಡ್ಯಾನ್ಸ್ ನೋಡಿದ್ರೆ ಮೆಚ್ಚುಗೆ ಕೊಡುವುದು ಗ್ಯಾರಂಟಿ, Video