ಮನೆಯಲ್ಲಿ ಬೋರಾಗ್ತಿದೆಯಾ? ನೀವು ಕೇಳಿದ ಹಾಡು ಹಾಡಲಿದ್ದಾರೆ ಗಾಯಕ ವಿಜಯ್ ಪ್ರಕಾಶ್

ಬೆಂಗಳೂರು: ಕೊರೋನಾವೈರಸ್ ಹರಡುವಿಕೆ ತಡೆಯಲು ಕೇಂದ್ರ ಸರ್ಕಾರ ಮುಂದಿನ 21 ದಿನಗಳ ಕಾಲ ಮನೆಯಲ್ಲೇ ಇರುವಂತೆ ಆದೇಶಿಸಿದೆ. ಮನೆಯಿಂದ ಹೊರ ಹೋಗಲಾಗದೇ ಬೋರ್ ಆಗುವುದು ಸಹಜ.

ಹೀಗಾಗಿ ನಿಮ್ಮನ್ನು ರಂಜಿಸಲೆಂದೇ ಗಾಯಕ ವಿಜಯ್ ಪ್ರಕಾಶ್ ನಿಮಗಾಗಿ ಹಾಡಲಿದ್ದಾರೆ. ಇನ್ ಸ್ಟಾಗ್ರಾಂನಲ್ಲಿ ಈ ಬಗ್ಗೆ ಬರೆದುಕೊಂಡಿರುವ ವಿಜಯ್ ಪ್ರಕಾಶ್ ನೀವು ಕೇಳುವ ಹಾಡು ಹಾಡುತ್ತೇನೆ ಎಂದಿದ್ದಾರೆ.

ಯಾವ ಹಾಡು ಹಾಡಬೇಕೆಂದು ನನಗೆ ಮೆಸೇಜ್ ಮಾಡಿ. ಅದನ್ನು ನಿಮಗಾಗಿ ಲೈವ್ ಬಂದು ಹಾಡುತ್ತೇನೆ ಎಂದು ವಿಜಯ್ ಪ್ರಕಾಶ್ ಬರೆದುಕೊಂಡಿದ್ದಾರೆ.