ಉಪೇಂದ್ರ ರೀ ರಿಲೀಸ್, ಹಬ್ಬದಂತೆ ಸೆಲೆಬ್ರೇಟ್ ಮಾಡಿದ ಉಪೇಂದ್ರ ಫ್ಯಾನ್ಸ್‌

Photo Courtesy X

ಪ್ರಯೋಗಿಕ ಸಿನಿಮಾ ಹಾಗೂ ವಿಭಿನ್ನ ಬರವಣಿಕೆ ಮೂಲಕ ಕನ್ನಡಿಗರ ಮನ್ನಸ್ಸನ್ನು ಗೆದ್ದಿರುವ ರಿಯಲ್ ಸ್ಟಾರ್ ಉಪೇಂದ್ರ ಅಭಿನಯಿಸಿ, ಆ್ಯಕ್ಷನ್ ಕಟ್ ಹೇಳಿರುವ ಉಪೇಂದ್ರ ಸಿನಿಮಾ ರೀ ರಿಲೀಸ್‌ಗೆ ಭರ್ಜರಿ ರೆಸ್ಪಾನ್ಸ್‌ ಸಿಕ್ಕಿದೆ. ಉಪ್ಪಿ ಅಭಿಮಾನಿಗಳು ಥಿಯೇಟರ್‌ನಲ್ಲಿ ಮತ್ತೇ ಸಿನಿಮಾ ನೋಡಿ, ಕುಣಿದು ಸಂಭ್ರಮಿಸಿದ್ದಾರೆ.

ಉಪೇಂದ್ರ ಅವರ ಡೈಲಾಗ್‌ ಹಾಗೂ ಗೆಟಪ್‌ಗೆ ಸಿಳ್ಳೆ ಹೊಡೆದು ಖುಷಿ ವ್ಯಕ್ತಪಡಿಸಿದ್ದಾರೆ. ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಥಿಯೇಟರ್‌ನಲ್ಲಿ ಮತ್ತೇ ರೀ ರಿಲೀಸ್ ಆಗಿರುವ ಉಪೇಂದ್ರ ಸಿನಿಮಾ ತುಣುಕಗಳನ್ನು ಹಂಚಿ ಪ್ರತಿ ಸೀನ್‌ ಅನ್ನು ಸಂಭ್ರಮಿಸುತ್ತಿದ್ದಾರೆ. ಇನ್ನೂ ಉಪೇಂದ್ರ ನಟಿಸಿ ಅಭಿನಯಿಸಿರುವ ಈ ಸಿನಿಮಾ ಮತ್ತೇ 20 ವರ್ಷ ಬಿಟ್ಟು ರೀ ರಿಲೀಸ್ ಮಾಡಿದ್ರು ಜನ ಒಪ್ಪಿಕೊಳ್ಳುತ್ತಾರೆ ಎಂದು ಅವರ ಅಭಿಮಾನಿಗಳು ಕೊಂಡಾಡಿದ್ದಾರೆ.

ಇನ್ನು ಈ ಸಿನಿಮಾದ ಮೂಲಕ ಉಪೇಂದ್ರಗೆ  ರಿಯಲ್‌ಸ್ಟಾರ್ ಎಂಬ ಬಿರುದು ಸಿಕ್ಕಿದ್ದು. ಈ ಸಿನಿಮಾ 25ವರ್ಷ ಪೂರೈಸಿದ ಬೆನ್ನಲ್ಲೇ ಈ ಸಿನಿಮಾವನ್ನು ನಿರ್ಮಾಪಕ ಶಿಲ್ಪಾ ಶ್ರೀನಿವಾಸ್ ಮರು ಬಿಡುಗಡೆ ಮಾಡಿದ್ದಾರೆ.

ಉಪೇಂದ್ರ ಹುಟ್ಟುಹಬ್ಬದಂದು ಮಾತು ಕೊಟ್ಟಂತೆ ಅಭಿಮಾನಿಗಳೊಂದಿಗೆ ಕೂತು ಸಿನಿಮಾ ನೋಡಿದ್ದಾರೆ. 4K ರೆಸಲ್ಯೂಷನ್‌ನಲ್ಲಿ ಈ ಸಿನಿಮಾವನ್ನು ಮರುಬಿಡುಗಡೆ ಮಾಡಲಾಗಿದ್ದು, ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ.