ಬೆಂಗಳೂರು: ಕಿಚ್ಚ ಸುದೀಪ್ ಗೆ ರಿಯಲ್ ಸ್ಟಾರ್ ಉಪೇಂದ್ರ ಟ್ವಿಟರ್ ನಲ್ಲಿ ಪ್ರಶ್ನೆ ಕೇಳಿದ್ದಾರೆ. ಅಲ್ಲದೆ ಪ್ರಶ್ನೆಗೆ ಕೂಡಲೇ ಉತ್ತರ ನೀಡುವಂತೆಯೂ ಸವಾಲು ಹಾಕಿದ್ದಾರೆ.
ಇವರಿಬ್ಬರಿಗೆ ಏನಾಯ್ತು ಅಂದುಕೊಳ್ಳಬೇಡಿ. ಇಬ್ಬರೂ ಚೆನ್ನಾಗಿಯೇ ಇದ್ದಾರೆ. ಇದೆಲ್ಲಾ ಸುಮ್ನೆ ತಮಾಷೆಗೆ ಅಷ್ಟೇ. ಟ್ವಿಟರ್ ನಲ್ಲಿ ಉಪೇಂದ್ರ ವಿಡಿಯೋ ಒಂದನ್ನು ಅಪ್ ಲೋಡ್ ಮಾಡಿದ್ದು, ಅದರಲ್ಲಿ ಒಂದು ಪ್ರಶ್ನೆ ಕೇಳಿದ್ದಾರೆ.
ಇತ್ತೀಚೆಗೆ ನಾವಿಬ್ಬರೂ ಸೇರಿ ಅಭಿನಯಿಸಿದ ಚಿತ್ರದಲ್ಲಿ ಬ್ಯಾಟ್ ಯಾರು ವಿಕೆಟ್ ಯಾರು ಎಂದು “ಬುದ್ಧಿವಂತ” ಪ್ರಶ್ನಿಸಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಸುದೀಪ್ ಶೀಘ್ರದಲ್ಲೇ ನಿಮಗೆ ಉತ್ತರ ಸಿಗುತ್ತದೆ ಎಂದಿದ್ದಾರೆ. ಅವರು ಹೇಳುವ ಉತ್ತರವೇನು ಎಂದು ತಿಳಿಯಲು ನಾವು ಕಾಯಬೇಕು.
ಈ ಇಬ್ಬರೂ ಸ್ಟಾರ್ ನಟರು ಮೊದಲ ಬಾರಿಗೆ ಜತೆಯಾಗಿ ಅಭಿನಯಿಸಿದ ಮುಕುಂದ ಮುರಾರಿ ಈ ವಾರ ತೆರೆಗೆ ಬರಲಿದೆ. ಉಪೇಂದ್ರ ಕೇಳಿದ ಈ ಪ್ರಶ್ನೆಯೂ ಈ ಸಿನಿಮಾದ ಬಗ್ಗೆಯೇ ಆಗಿತ್ತು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ