ದೂದ್ ಪೇಡ ದಿಗಂತ್ ಕೈಯಲ್ಲಿರುವ ಸಿನಿಮಾಗಳ ಲಿಸ್ಟ್

ಬೆಂಗಳೂರು: ಸ್ಟಾರ್ ಡಂ ಎಂದು ಇಲ್ಲದೇ ಹೋದರೂ ನಿರ್ಮಾಪಕರ ಜೇಬಿಗೆ ತೊಂದರೆಯಾಗದಂತೆ ಸಿನಿಮಾಗಳನ್ನು ಮಾಡಿಕೊಳ್ಳುತ್ತಿರುವ ದೂದ್ ಪೇಡ ದಿಂಗತ್ ಮಂಚಾಲೆಗೆ ಚಿತ್ರರಂಗದಲ್ಲಿ ಭಾರೀ ಬೇಡಿಕೆಯಿದೆ. ಅವರ ಕೈಯಲ್ಲಿರುವ ಸಿನಿಮಾಗಳ ಲಿಸ್ಟ್ ನೋಡೋಣ.

ದಿಗಂತ್ ನಟಿಸಿರುವ ಒಟ್ಟು ನಾಲ್ಕು ಸಿನಿಮಾಗಳು ಬಿಡುಗಡೆಗೆ ಕಾಯುತ್ತಿವೆ. ಈ ಪೈಕಿ ಕ್ಷಮಿಸಿ ನಿಮ್ಮ ಖಾತೆಯಲ್ಲಿ ಹಣವಿಲ್ಲ ಅವರಿಗೆ ವಿಶೇಷ ಸಿನಿಮಾ. ಈ ಸಿನಿಮಾ ಮೂಲಕ ರಿಯಲ್ ಲೈಫ್ ಜೋಡಿ ಐಂದ್ರಿತಾ ಜೊತೆ ಬರೋಬ್ಬರಿ 8 ವರ್ಷಗಳ ಬಳಿಕ ದಿಗಂತ್ ಬಣ್ಣ ಹಚ್ಚಿದ್ದಾರೆ.

ಇದಲ್ಲದೆ ಹುಟ್ಟುಹಬ್ಬದ ಶುಭಾಶಯಗಳು ಸಿನಿಮಾ ಡಿಸೆಂಬರ್ 31 ರಂದು ತೆರೆ ಕಾಣುತ್ತಿದೆ. ಇದಲ್ಲದೆ ಗಾಳಿಪಟ 2, ಮಾರಿಗೋಲ್ಡ್ ಸಿನಿಮಾಗಳ ಶೂಟಿಂಗ್ ಮುಗಿದಿದ್ದು, ಸದ್ಯದಲ್ಲೇ ಬಿಡುಗಡೆ ದಿನಾಂಕ ಘೋಷಣೆಯಾಗುವ ಸಾಧ್ಯತೆಯಿದೆ.

ಇದರ ಹೊರತಾಗಿ ಒಟ್ಟು ಮೂರು ಸಿನಿಮಾಗಳು ಶೂಟಿಂಗ್ ಹಂತದಲ್ಲಿದೆ. ಒಂದು ಎಡಗೈಯೇ ಅಪಘಾತಕ್ಕೆ ಕಾರಣ ಎಂಬ ಸಿನಿಮಾವಾದರೆ ಇನ್ನೊಂದು ತಿಮ್ಮಯ್ಯ & ತಿಮ್ಮಯ್ಯ. ಇದಲ್ಲದೆ ಇನ್ನೊಂದು ಸಿನಿಮಾವನ್ನೂ ದಿಗಂತ್ ಒಪ್ಪಿಕೊಂಡಿದ್ದಾರೆ. ಸದ್ಯದ ಮಟ್ಟಿಗೆ ಸ್ಯಾಂಡಲ್ ವುಡ್ ನಲ್ಲಿ ಬ್ಯುಸಿಯಾಗಿದ್ದಾರೆ.