Kamal Haasan: ಥಗ್ ಲೈಫ್ ಮೂವಿಗೆ ನಿಷೇಧ: ಬೆಂಗಳೂರಿನ ಕಮಲ್ ಹಾಸನ್ ಪ್ರೇಮಿ ಮಾಡಿದ್ದೇನು ಗೊತ್ತಾ

ಬೆಂಗಳೂರು: ಕನ್ನಡದ ಬಗ್ಗೆ ವಿವಾದಿತ ಹೇಳಿಕೆ ನೀಡಿದ ಕಾರಣಕ್ಕೆ ಕಮಲ್ ಹಾಸನ್ ನಾಯಕರಾಗಿರುವ ಥಗ್ ಲೈಫ್ ಕರ್ನಾಟಕದಲ್ಲಿ ಬಿಡುಗಡೆಯಾಗಿಲ್ಲ. ಹಾಗಿದ್ದರೂ ಸಿನಿಮಾ ನೋಡಲೇಬೇಕೆಂದು ಬೆಂಗಳೂರಿನ ಕಮಲ್ ಹಾಸನ್ ಅಭಿಮಾನಿಯೊಬ್ಬ ಮಾಡಿದ್ದೇನು ಗೊತ್ತಾ?

ಥಗ್ ಲೈಫ್ ಸಿನಿಮಾ ಇವೆಂಟ್ ನಲ್ಲಿ ಕಮಲ್ ಹಾಸನ್ ತಮಿಳಿನಿಂದಲೇ ಕನ್ನಡ ಹುಟ್ಟಿದ್ದು ಎಂದಿದ್ದು ವಿವಾದಕ್ಕೆ ಕಾರಣವಾಗಿತ್ತು. ಈ ಕೇಸ್ ಹೈಕೋರ್ಟ್ ಮೆಟ್ಟಿಲೇರಿತ್ತು. ಹೈಕೋರ್ಟ್ ಕಮಲ್ ಹಾಸನ್ ಗೆ ಛಾಟಿ ಬೀಸಿತ್ತು. ಜೊತೆಗೆ ಒಂದು ವಾರ ಸಿನಿಮಾ ಬಿಡುಗಡೆ ಮುಂದೂಡಿತ್ತು. ಹೀಗಾಗಿ ಕರ್ನಾಟಕದಲ್ಲಿ ಸಿನಿಮಾ ಬಿಡುಗಡೆಯಾಗಿಲ್ಲ.

ಹಾಗಿದ್ದರೂ ಇಲ್ಲಿ ಸಾಕಷ್ಟು ಕಮಲ್ ಹಾಸನ್ ಅಭಿಮಾನಿಗಳಿದ್ದಾರೆ. ಅವರು ಥಗ್ ಲೈಫ್ ಸಿನಿಮಾ ನೋಡಬೇಕೆಂದುಕೊಂಡಿದ್ದರು. ಇದೀಗ ಬೆಂಗಳೂರಿನ ಕಮಲ್ ಅಭಿಮಾನಿಯೊಬ್ಬ ಅದಕ್ಕಾಗಿ ಬೆಂಗಳೂರಿನಿಂದ ತಮಿಳುನಾಡಿಗೆ ಪ್ರಯಾಣ ಮಾಡಿ ಸಿನಿಮಾ ನೋಡಿದ್ದಾನೆ.

ಬೆಂಗಳೂರಿನಿಂದ 42 ಕಿ.ಮೀ. ದೂರ ಹೊಸೂರಿಗೆ ಪ್ರಯಾಣ ಮಾಡಿದ ಕಮಲ್ ಅಭಿಮಾನಿ ಅಲ್ಲಿ ಸಿನಿಮಾ ವೀಕ್ಷಣೆ ಮಾಡಿರುವುದಾಗಿ ಸೋಷಿಯಲ್ ಮೀಡಿಯಾ ಎಕ್ಸ್ ನಲ್ಲಿ ಹೇಳಿಕೊಂಡಿದ್ದಾನೆ. ಥಗ್ ಲೈಫ್ ಗೆ ಕರ್ನಾಟಕದಲ್ಲಿ ನಿಷೇಧ ಹೇರಿರಬಹುದು. ಆದರೆ ಕಮಲ್ ಹಾಸನ್ ಮೇಲಿನ ನಮ್ಮ ಪ್ರೀತಿ ತಡೆಯಲು ಯಾರಿಗೂ ಸಾಧ್ಯವಿಲ್ಲ. ಕಮಲ್ ಅಭಿಮಾನಿಗಳೆಲ್ಲಾ ಹೊಸೂರಿಗೆ ಬಂದು ಸಿನಿಮಾ ನೋಡಿ ಎಂದು ಅಭಿಮಾನಿ ಕರೆ ಕೊಟ್ಟಿದ್ದಾನೆ.