ಬೆಂಗಳೂರು: ಕನ್ನಡ ಸಿನಿಮಾವೊಂದು ದೇಶದಾದ್ಯಂತ ಈ ಮಟ್ಟಿಗೆ ಸದ್ದು ಮಾಡುತ್ತಿರುವುದು ನಿಜಕ್ಕೂ ಹೆಮ್ಮೆಯ ಸಂಗತಿಯೇ ಸರಿ. ಇದೀಗ ಕೆಜಿಎಫ್ ಹವಾ ನೋಡಿ ಬೇರೆ ರಾಜ್ಯಗಳ ಥಿಯೇಟರ್ ಮಾಲಿಕರು ಶೋ ಹೆಚ್ಚಿಸುವ ನಿರ್ಧಾರಕ್ಕೆ ಬಂದಿದ್ದಾರೆ.
ಸಾಮಾನ್ಯವಾಗಿ ಕನ್ನಡ ಚಿತ್ರವೊಂದನ್ನು ತಮ್ಮ ರಾಜ್ಯದಲ್ಲಿ ಶೋ ಏರ್ಪಡಿಸಲೇ ಹಿಂದೆ ಮುಂದೆ ನೋಡುವ ಥಿಯೇಟರ್ ಮಾಲಿಕರು ಕೆಜಿಎಫ್ ವಿಚಾರದಲ್ಲೂ ಆರಂಭದಲ್ಲಿ ಒಂದೋ ಎರಡೋ ಶೋ ಏರ್ಪಡಿಸುವ ನಿರ್ಧಾರ ಮಾಡಿದ್ದರು.
ಆದರೆ ಈಗ ಕೆಜಿಎಫ್ ಬಗ್ಗೆ ಜನರಲ್ಲಿ ಕ್ರೇಜ್ ಹೆಚ್ಚುತ್ತಿರುವುದು ನೋಡಿ ಶೋ ಸಂಖ್ಯೆ ಹೆಚ್ಚಿಸಲು ಸಜ್ಜಾಗಿದ್ದಾರೆ. ಕೆಜಿಎಫ್ ಈಗಾಗಲೇ 70 ಕೋಟಿ ರೂ. ಗೂ ಅಧಿಕ ಗಳಿಕೆ ಮಾಡಿದ್ದು, ಈ ವರ್ಷದ ಬ್ಲಾಕ್ ಬ್ಲಸ್ಟರ್ ಸಿನಿಮಾ ಆಗಿದೆ. ಇನ್ನು ಬುಕ್ ಮೈ ಶೋನಲ್ಲಿ ಇದೇ ಮೊದಲ ಬಾರಿಗೆ ಕನ್ನಡ ಸಿನಿಮಾವೊಂದಕ್ಕೆ ಅತ್ಯಧಿಕ ಲೈಕ್ ಸಿಕ್ಕಿದೆ. ವಾರದ ಮೊದಲ ದಿನವಾದ ನಿನ್ನೆಯೂ ಥಿಯೇಟರ್ ತುಂಬಿ ತುಳುಕಿದ್ದು ಕೆಜಿಎಫ್ ಹೆಗ್ಗಳಿಕೆಯೇ ಸರಿ.
ತಮಿಳುನಾಡಿನಲ್ಲಿ ಈಗಾಗಲೇ ಸ್ಕ್ರೀನಿಂಗ್ ತ್ರಿಬಲ್ ಆಗಿದ್ದರೆ, ಮಲಯಾಳಂನಲ್ಲೂ ಉತ್ತಮ ರೆಸ್ಪಾನ್ಸ್ ಸಿಕ್ಕಿದ್ದು, ಥಿಯೇಟರ್ ಮಾಲಿಕರೊಬ್ಬರು ತಾವಾಗಿಯೇ ಶೋ ಹೆಚ್ಚಿಸಲು ನಿರ್ಧರಿಸಿದ್ದಾರೆ. ಬಾಹುಬಲಿ ಸಿನಿಮಾ ನಂತರ ದ.ಭಾರತದ ಸಿನಿಮಾವೊಂದು ಈ ಮಟ್ಟಿಗೆ ಬಾಲಿವುಡ್ ಸಿನಿಮಾಗೂ ಸೆಡ್ಡು ಹೊಡೆದಿದ್ದು ಇದೇ ಮೊದಲ ಬಾರಿ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ