ಡ್ರಗ್ ಮಾಫಿಯಾ ಬಗ್ಗೆ ನಟಿ ತಾರಾ ಮಾತು

ಬೆಂಗಳೂರು: ಡ್ರಗ್ ಮಾಫಿಯಾ ಈಗ ಸ್ಯಾಂಡಲ್ ವುಡ್ ನಲ್ಲಿ ತಲ್ಲಣ ಮೂಡಿಸಿದೆ. ನಟ-ನಟಿಯರು ಪರಸ್ಪರ ಸಂಶಯದಿಂದಲೇ ನೋಡುವಂತಾಗಿದೆ. ಸ್ಯಾಂಡಲ್ ವುಡ್ ನಲ್ಲಿ ಮಾಫಿಯಾ ಬಗ್ಗೆ ನಟಿ ತಾರಾ ಮಾತನಾಡಿದ್ದಾರೆ.

ಇದುವರೆಗೆ ಎಲ್ಲೋ ಡ್ರಗ್ ಮಾರಾಟವಾಗುತ್ತಿರುವ ಬಗ್ಗೆ ಕೇಳುತ್ತಿದ್ದೆವು. ಆದರೆ ಈಗ ಸ್ಯಾಂಡಲ್ ವುಡ್ ನಲ್ಲೇ ಈ ರೀತಿಯ ಒಂದು ಮಾಫಿಯಾ ಇದೆ ಎಂದು ತಿಳಿದಾಗ ನಿಜಕ್ಕೂ ಬೆಚ್ಚಿಬಿದ್ದೆ. ನಾನು ಯಾವತ್ತೂ ಇಂತಹದ್ದನ್ನು ನೋಡಿಲ್ಲ. ಆದರೆ ನಮ್ಮ ಸುತ್ತಮುತ್ತ ಇಂಥವರು ಇದ್ದಾರೆ ಎಂಬ ಸುದ್ದಿ ಕೇಳಿ ನಿಜಕ್ಕೂ ಗಾಬರಿಯಾದೆ. ದಯವಿಟ್ಟು ಯಾರೂ ಇಂತಹ ಆಮಿಷಗಳಿಗೆ ಬಲಿಯಾಗಬೇಡಿ. ಜೀವನ ಹಾಳು ಮಾಡಿಕೊಳ್ಳಬೇಡಿ ಎಂದು ತಾರಾ ಮನವಿ ಮಾಡಿದ್ದಾರೆ.