ಸುನಿಲ್ ಶೆಟ್ಟಿ ಪುತ್ರ ಅಭಿನಯ ತರಬೇತಿ ಪಡೆಯುತ್ತಿರುವುದು ಎಲ್ಲಿ ಗೊತ್ತಾ?

ಮುಂಬೈ: ಬಾಲಿವುಡ್ ಸ್ಟಾರ್ ಗಳ ಮಕ್ಕಳೂ ಸಿನಿಮಾ ರಂಗಕ್ಕೆ ಎಂಟ್ರಿ ಕೊಡುವುದು ಹೊಸದೇನಲ್ಲ. ಲೇಟೆಸ್ಟ್ ಸೇರ್ಪಡೆ, ಆಕ್ಷನ್ ಹೀರೋ ಸುನಿಲ್ ಶೆಟ್ಟಿ ಪುತ್ರ ಅಹಾನ್. ಅಹಾನ್ ಲಂಡನ್ ಗೆ ಹಾರುತ್ತಿದ್ದಾರೆ.

ಅಲ್ಲಿ ಅವರು ಅಭಿನಯ ತರಬೇತಿ ಪಡೆಯಲಿದ್ದಾರೆ. ಅಲ್ಲದೆ ತಂದೆಯಂತೆ ಆಕ್ಷನ್ ಹೀರೋ ಎನಿಸಿಕೊಳ್ಳಲು ಸಾಹಸ ದೃಶ್ಯಗಳನ್ನು ಕಲಿಯಲಿದ್ದಾರೆ. ತರಬೇತಿ ಪಡೆದ ನಂತರ ಅಹಾನ್ ಸಾಜಿದ್ ನಾಡಿಯಾದ್ವಾಲಾ ಅವರ ಸಿನಿಮಾ ಮೂಲಕ ಬಾಲಿವುಡ್ ಗೆ ಅಧಿಕೃತವಾಗಿ ಕಾಲಿಡಲಿದ್ದಾರೆ.

ಅವರು ಅಭಿನಯದ ಕಲಿಕೆಗೆ ಲಂಡನ್ ಗೆ ತೆರಳಲಿದ್ದಾರೆ. ಅಲ್ಲಿ ಸಾಹಸ ತಜ್ಞರ ಬಳಿ ಸುಮಾರು ನಾಲ್ಕು ತಿಂಗಳ ಕಾಲ ತರಬೇತಿ ಪಡೆದು ಮುಂಬೈಗೆ ಮರಳಲಿದ್ದಾರೆ ಎಂದು ಮೂಲಗಳು ಹೇಳಿವೆ. ಬಹುಶಃ ಮುಂದಿನ ವರ್ಷ ಅಹಾನ್ ಸಿನಿಮಾ ಶುರುವಾಗಲಿದೆ. ಈಗಾಗಲೇ ಸುನಿಲ್ ಪುತ್ರಿ ಆತಿಥ್ಯ ಸಲ್ಮಾನ್ ಖಾನ್ ಅಭಿನಯದ ಹೀರೋ ಚಿತ್ರದ ಮೂಲಕ ಚಿತ್ರರಂಗಕ್ಕೆ ಪರಿಚಯವಾಗಿದ್ದಾರೆ. ಇದೀಗ ಪುತ್ರನ ಸರದಿ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ