ಕೋಲಿವುಡ್ ತಾರೆಗಳ ವೈಯಕ್ತಿಕ ಸಂಬಂಧಗಳನ್ನು ಟ್ವಿಟ್ಟರ್‌ನಲ್ಲಿ ಲೀಕ್ ಮಾಡಿ ಸಂಚಲನ ಸೃಷ್ಟಿಸಿದ ಗಾಯಕಿ ಸುಚಿತ್ರಾ. ಹಾಡುಗಳ ಮೂಲಕ ಎಷ್ಟು ಹೆಸರು ಗಳಿಸಿದ್ದಾರೋ ಗೊತ್ತಿಲ್ಲ. ಆದರೆ ಈ ಲೀಕಿಂಗ್ ವ್ಯವಹಾರ ಮಾತ್ರ ಅವರನ್ನು ಜನಪ್ರಿಯಗೊಳಿಸಿದೆ.
ಆದರೆ ತಾಜಾ ಸಮಾಚಾರದ ಪ್ರಕಾರ, ಆಕೆ ಲಂಡನ್‌ಗೆ ಹೊರಟುಹೋಗಲಿದ್ದಾರಂತೆ. ಒಂಟಿಯಾಗಿ ಅಲ್ಲ. ತನ್ನ ಕುಟುಂಬವನ್ನೇ ಲಂಡನ್‌ಗೆ ಕರೆದೊಯ್ಯುತ್ತಿದ್ದಾರಂತೆ. ಆಕೆಯ ಮಾನಸಿಕ ಪರಿಸ್ಥಿತಿ ಸರಿಯಿಲ್ಲ ಎಂದು ಸುಚಿತ್ರಾ ಪತಿ ಕಾರ್ತಿಕ್ ಹೇಳಿದ ಹಿನ್ನೆಲೆಯಲ್ಲಿ ಅವರನ್ನು ಲಂಡನ್‌ಗೆ ಕರೆದೊಯ್ಯುತ್ತಿರುವುದಾಗಿ ಹೇಳಿದ್ದಾರೆ.
ಅಷ್ಟೇ ಅಲ್ಲದೆ ಸಾಧ್ಯವಾದರೆ ಅಲ್ಲೇ ಒಳ್ಳೆ ವೈದ್ಯರ ಬಳಿ ಚಿಕಿತ್ಸೆ ನೀಡುವ ಯೋಚನೆಯಲ್ಲಿದ್ದಾರಂತೆ. ಸದ್ಯಕ್ಕೆ ಚೆನ್ನೈನಲ್ಲೇ ಇದ್ದರೂ ಶೀಘ್ರದಲ್ಲೇ ಲಂಡನ್ ವಿಮಾನ ಹತ್ತಲಿದ್ದಾರೆ. ಧನುಷ್, ಅನಿರುದ್ಧ್, ಆಂಡ್ರಿಯಾ, ಸಂಚಿತಾ ಶೆಟ್ಟಿ ಸೇರಿದಂತೆ ಹಲವು ತಾರೆಗಳ ಸಂಬಂಧಗಳ ಬಗ್ಗೆ ಸುಚಿಲೀಕ್ಸ್ ಹೆಸರಿನಲ್ಲಿ ವಿಡಿಯೋಗಳು ಲೀಕ್ ಅಗಿದ್ದು ಗೊತ್ತೇ ಇದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
