ಬೆಂಗಳೂರು: ಕೆಲವು ದಿನಗಳ ಹಿಂದೆ ಶುಭಾ ಪೂಂಜಾ ಮತ್ತು ನಾಗೇಂದ್ರ ಪ್ರಸಾದ್ ಮದುವೆ ಗೆಟಪ್ ನಲ್ಲಿರುವ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದ್ದು ನಿಮಗೆ ನೆನಪಿರಬಹುದು.
ಇನ್ನೇನು ಇಬ್ಬರಿಗೂ ಮದುವೆಯೇ ಆಗಿಬಿಟ್ಟಿತೇನೋ ಎಂದೇ ಎಲ್ಲರೂ ಅಂದುಕೊಂಡಿದ್ದರು. ಆದರೆ ಅದು ಅಸಲಿ ಮದುವೆಯಲ್ಲ. ರೀಲ್ ಮದುವೆ ಎಂದು ಇಬ್ಬರೂ ಸ್ಪಷ್ಟಪಡಿಸಿದ ಮೇಲೆ ಗಾಸಿಪ್ ಪ್ರಿಯರು ಸುಮ್ಮನಾಗಿದ್ದರು.
ಇದೀಗ ಇಬ್ಬರೂ ಮದುವೆ ಮಾಡಿಕೊಂಡಿರುವುದು ‘ಗೂಗಲ್’ ಗಾಗಿ ಎಂದು ಪಕ್ಕಾ ಆಗಿದೆ. ಅಂದರೆ ಅವರಿಬ್ಬರು ಜತೆಯಾಗಿ ನಟಿಸುತ್ತಿರುವ ಚಿತ್ರದ ಹೆಸರು ಗೂಗಲ್ ಎಂದು ಟೈಟಲ್ ಪಕ್ಕಾ ಆಗಿದೆ. ಆಗ ಆ ಚಿತ್ರಕ್ಕೆ ಹೆಸರಿಟ್ಟಿರಲಿಲ್ಲ. ಈಗ ಟೈಟಲ್ ಪಕ್ಕಾ ಆಗಿದೆ. ಚಿತ್ರದಲ್ಲಿ ಇನ್ನೊಬ್ಬ ನಾಯಕಿಯಾಗಿ ಅಮೃತಾ ರಾವ್ ಪಾತ್ರ ಮಾಡುತ್ತಿದ್ದಾರೆ.