ಶಿವರಾಜ್ ಕುಮಾರ್ 'ಶಾತಕರ್ಣಿ' ಪಾತ್ರ ಬಹಿರಂಗ

ಹ್ಯಾಟ್ರಿಕ್ ಹೀರೋ, ಸೆಂಚುರಿ ಸ್ಟಾರ್ ಶಿವರಾಜ್ ಕುಮಾರ್ ಟಾಲಿವುಡ್‌ನ ಭಾರಿ ಬಜೆಟ್ ಚಿತ್ರ ’ಗೌತಮಿಪುತ್ರ ಶಾತಕರ್ಣಿ’ಯಲ್ಲಿ ಅಭಿನಯಿಸುತ್ತಿದ್ದಾರೆ. ನಂದಮೂರಿ ಬಾಲಕೃಷ್ಣ ನಾಯಕನಟನಾಗಿರುವ ಈ ಚಿತ್ರದಲ್ಲಿ ಶಿವಣ್ಣ ಪಾತ್ರ ಏನು ಎಂಬ ಬಗ್ಗೆ ಎಲ್ಲರಿಗೂ ಕುತೂಹಲ ಇತ್ತು. 

ಸದ್ಯಕ್ಕೆ ಈ ಚಿತ್ರ ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿದೆ. ಚಿತ್ರದಲ್ಲಿ ಶಿವಣ್ಣ ಅವರದು ಬಹಳ ಪ್ರಾಧಾನ್ಯತೆ ಇರುವ ಪಾತ್ರ ಎನ್ನಲಾಗಿದೆ. ಮೂಲಗಳ ಪ್ರಕಾರ ಶಿವಣ್ಣ ಚಿತ್ರದಲ್ಲಿ ಆಂಧ್ರ ಜಾನಪದ ಶೈಲಿಯಲ್ಲಿ ಕಥೆ ಹೇಳುವ ’ಬುರ್ರಕಥಾ’ ಕಲಾವಿದನಾಗಿ ಕಾಣಿಸಲಿದ್ದಾರೆ.

ಶಾತಕರ್ಣಿಯನ್ನ ತಮ್ಮ ಜಾನಪದ ಹಾಡಿನ ಮೂಲಕ ಪರಿಚಯಿಸಲಿದ್ದಾರೆ ಶಿವಣ್ಣ. ಮೊದಲಿಂದಲೂ ಶಿವಣ್ಣ ಮತ್ತು ಬಾಲಕೃಷ್ಣ ನಡುವೆ ಉತ್ತಮ ಬಾಂಧವ್ಯ ಇದೆ. ಆ ಸಲುಗೆಯಿಂದಲೇ ಶಿವಣ್ಣನನ್ನು ಚಿತ್ರದಲ್ಲಿ ನಟಿಸುವಂತೆ ಕೇಳಿಕೊಂಡಿದ್ದರು. ತಮ್ಮ ಬ್ಯುಸಿ ಶೆಡ್ಯೂಲ್ ನಡುವೆಯೂ ಶಿವಣ್ಣ ಎಸ್ ಎಂದಿದ್ದರು. 

ಚಿತ್ರದ ಪಾತ್ರವರ್ಗದಲ್ಲಿ ಶ್ರಿಯಾ ಸರನ್, ಹೇಮಾ ಮಾಲಿನಿ, ಕಬೀರ್ ಬೇಡಿ ಮುಂತಾದವರಿದ್ದಾರೆ. 2017ರ ಸಂಕ್ರಾಂತಿಗೆ ಚಿತ್ರ ಬಿಡುಗಡೆಯಾಗುತ್ತಿದೆ. ಡಿಸೆಂಬರ್ 9ಕ್ಕೆ ಥಿಯೇಟ್ರಿಕಲ್ ಟ್ರೇಲರ್ ರಿಲೀಸ್ ಆಗ್ತಿದೆ. ಒಟ್ನಲ್ಲಿ ಭಾರಿ ನಿರೀಕ್ಷೆಗಳನ್ನ ಹುಟ್ಟುಹಾಕಿರುವ ಐತಿಹಾಸಿಕ ಚಿತ್ರ ಇದು.  

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.