ಮಗಳ ಮೊದಲ ನಿರ್ಮಾಣದ ಸಿನಿಮಾದ ಟೀಸರ್ ನೋಡಿ ಶಿವಣ್ಣ ಫುಲ್ ಫಿದಾ

Photo Courtesy X

ಬೆಂಗಳೂರು: 'ಹ್ಯಾಟ್ರಿಕ್ ಹೀರೋ' ಶಿವರಾಜ್‌ಕುಮಾರ್ ಪುತ್ರಿ ನಿವೇದಿತಾ ಅವರು ಸ್ಯಾಂಡಲ್‌ವುಡ್‌ಗೆ ನಿರ್ಮಾಪಕಿಯಾಗಿ ಎಂಟ್ರಿಕೊಡುತ್ತಿದ್ದಾರೆ. ಶಿವಣ್ಣ ಪತ್ನಿ ಗೀತಾ ಶಿವರಾಜ್ ಕುಮಾರ್ ಅವರು ಈಗಾಗಲೇ ಗೀತಾ ಪಿಕ್ಷರ್ಸ್ ಮೂಲಕ ವೇದ ಮತ್ತು ಭೈರತಿ ರಣಗಲ್ ಸಿನಿಮಾಗಳನ್ನು ನಿರ್ಮಾಣ ಮಾಡಿದ್ದಾರೆ.  ಇದೀಗ ನಿವೇದಿತಾ ಅವರ ನಿರ್ಮಾಣದ ಸಿನಿಮಾಗೆ ಫೈರ್ ಫ್ಲೈ ಎಂದು ಹೆಸರಿಡಲಾಗಿದೆ.

ಇನ್ನೂ ಮಗಳ ನಿರ್ಮಾಣದಲ್ಲಿ ಮೂಡಿಬಂದಿರುವ ಸಿನಿಮಾದ ಟೀಸರ್ ನೋಡಿ ಶಿವರಾಜ್‌ಕುಮಾರ್ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ. ಇಡೀ ತಂಡದ ಕೆಲಸದ ಮೇಲಿನ ಶ್ರದ್ಧೆ, ಗೆಲ್ಲಲೇ ಬೇಕು ಅನ್ನೋ ಅವರ ಛಲ ನೋಡಿ ತುಂಬ ಖುಷಿ ಆಯ್ತು. ಇವತ್ತು ರಿಲೀಸ್ ಆಗಿರುವ ಚಿತ್ರದ ಟೀಸರ್ ಅದಕ್ಕೆ ಸಾಕ್ಷಿ. ಹೊಸ ತಂಡದ ಮೇಲೆ ನಿಮ್ಮೆಲ್ಲರ ಪ್ರೀತಿ ಇರಲಿ ಎಂದು ಹೇಳಿಕೊಂಡರು.

ಟೀಸರ್ ನೋಡಿದವರು ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ. ಯುವ ಪ್ರತಿಭೆ ವಂಶಿ ನಿರ್ದೇಶಿಸಿ ಈ ಸಿನಿಮಾದಲ್ಲಿ ನಟಿಸಿದ್ದಾರೆ.   ವಂಶಿಗೆ ಜೋಡಿಯಾಗಿ ರಚನಾ ಇಂದರ್ ನಟಿಸಿದ್ದಾರೆ.