ಸುನಿಲ್ ಕುಮಾರ್ ದೇಸಾಯಿ ನಿರ್ದೇಶನದ ಚೊಚ್ಚಲ ಚಿತ್ರ ತರ್ಕ. ಈ ಚಿತ್ರ 1989ರಲ್ಲಿ ಬಿಡುಗಡೆಯಾಗಿತ್ತು. ಶಂಕರ್ ನಾಗ್, ದೇವರಾಜ್ ಮತ್ತು ವನಿತಾ ವಾಸು ಮುಖ್ಯಭೂಮಿಕೆಯಲ್ಲಿದ್ದ ಸಿನಿಮಾ. ಇದೀಗ ಹೊಸ ಧ್ವನಿ ತಾಂತ್ರಿಕತೆಯೊಂದಿಗೆ ಬಿಡುಗಡೆಯಾಗುತ್ತಿದೆ.
ಇದೊಂದು ಕೊಲೆ ರಹಸ್ಯದ ಸಸ್ಪೆನ್ಸ್ ಕಥಾಹಂದರ ಇರುವ ಚಿತ್ರ. ಬಿಡುಗಡೆಯಾದಾಗ ಪ್ರೇಕ್ಷಕರನ್ನು ಬಹಳವಾಗಿ ಬರಸೆಳೆದುಕೊಂಡಿತ್ತು. ಬಾಕ್ಸ್ ಆಫೀಸ್ ಹಿಟ್ ಚಿತ್ರವಾಗಿಯೂ ಹೊರಹೊಮ್ಮಿದ ಚಿತ್ರ ತರ್ಕ. ಸಾಕಷ್ಟು ಬಾರಿ ಮರುಬಿಡುಗಡೆಯಾಗಿದ್ದರೂ ನೂತನ ತಂತ್ರಜ್ಞಾನದೊಂದಿಗೆ ಇದೇ ಮೊದಲ ಬಾರಿ ಪ್ರೇಕ್ಷಕರ ಮುಂದೆ ಬರುತ್ತಿದೆ.
ಇದೇ ಫೆಬ್ರವರಿ 3ರಂದು ಬೆಂಗಳೂರಿನ ಸಂತೋಷ್ ಚಿತ್ರಮಂದಿರದಲ್ಲಿ ಬಿಡುಗಡೆಯಾಗುತ್ತಿದೆ. ಹಳೆ ಚಿತ್ರವನ್ನು ಹೊಸ ತಂತ್ರಜ್ಞಾನದಲ್ಲಿ ನೋಡುವ ಮಜಾನೇ ಬೇರೆ. ಅದರಲ್ಲೂ ಶಂಕರ್ ನಾಗ್ ಅಭಿನಯ ದೇವರಾಜ್ ಅವರ ಹಾವಭಾವ, ವನಿತಾ ವಾಸು ಅವರ ಆಕರ್ಷಣೆ ಚಿತ್ರದ ಗಮನಾರ್ಹ ಅಂಶಗಳು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
