‘ನನ್ನ ಗುರು’ ಚಾಲೆಂಜ್ ನಲ್ಲಿ ಸ್ಯಾಂಡಲ್ ವುಡ್ ನಟರು ಭಾಗಿ

ಬೆಂಗಳೂರು: ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಅಭಿನಯದ ‘ಯುವರತ್ನ’ ಸಿನಿಮಾದ ಶಿಕ್ಷಕರ ಕುರಿತಾದ ‘ಪಾಠಶಾಲಾ’ ಹಾಡಿನ ಪ್ರಚಾರಕ್ಕಾಗಿ ‘ನನ್ನ ಗುರು’ ಚಾಲೆಂಜ್ ಆರಂಭಿಸಲಾಗಿದೆ. ಈ ಚಾಲೆಂಜ್ ನಲ್ಲಿ ಸ್ಯಾಂಡಲ್ ವುಡ್ ಸ್ಟಾರ್ ನಟರು ಭಾಗಿಯಾಗಿದ್ದಾರೆ.

ತಮ್ಮ ಶಿಕ್ಷಕರು, ಗುರುಗಳ ಜೊತೆಗಿನ ಫೋಟೋ ಪ್ರಕಟಿಸಿ ಅವರು ತಮಗೆ ಯಾವ ರೀತಿ ಸ್ಪೂರ್ತಿಯಾಗಿದ್ದಾರೆಂದು ಸ್ಟಾರ್ ಗಳು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ. ನನ್ನ ಗುರು ಅಥವಾ ಮೈ ಗುರು ಹ್ಯಾಶ್ ಟ್ಯಾಗ್ ಮಾಡಿ ಆನ್ ಲೈನ್ ಅಭಿಯಾನ ಆರಂಭಿಸಲಾಗಿದೆ.

ಈ ಅಭಿಯಾನದಲ್ಲಿ ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ತಮ್ಮ ಬಾಲ್ಯದ ಟೀಚರ್ ವಿಜಯಲಕ್ಷ್ಮಿ ಜೊತೆಗಿರುವ ಫೋಟೋ ಪ್ರಕಟಿಸಿದರೆ, ರಿಷಬ್ ಶೆಟ್ಟಿ ತಮ್ಮ ಟೀಚರ್ ಪ್ರತಿಭಾ ಹೆಗ್ಡೆ ಅವರ ಜೊತೆಗಿನ ಫೋಟೋ ಪ್ರಕಟಿಸಿದ್ದಾರೆ. ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ ಅಣ್ಣ ಚಿರು ಸರ್ಜಾ ಜೊತೆಗಿನ ಫೋಟೋ ಪ್ರಕಟಿಸಿದ್ದು, ನನ್ನ ಅಣ್ಣನೇ ನನ್ನ ಗುರು ಎಂದಿದ್ದಾರೆ.