ಸಲಾರ್ ನಲ್ಲಿ ರಾಕಿ ಭಾಯಿ ಯಶ್! ಬಾಯ್ತಪ್ಪಿ ಸತ್ಯ ಹೊರಹಾಕಿದ ಗಾಯಕಿ!

Photo Courtesy: Twitter

ಹೈದರಾಬಾದ್: ಪ್ರಭಾಸ್ ನಾಯಕರಾಗಿರುವ ಹೊಂಬಾಳೆ ಫಿಲಂಸ್ ನಿರ್ಮಾಣದ ಸಲಾರ್ ಪಾರ್ಟ್ 1 ಸಿನಿಮಾದಲ್ಲಿ ರಾಕಿ ಭಾಯಿ ಯಶ್ ಇರಲಿದ್ದಾರಾ?

ಹೀಗೊಂದು ಅನುಮಾನ ಅಭಿಮಾನಿಗಳಿಗೆ ಬಹಳ ದಿನಗಳಿಂದ ಇದೆ. ಕೆಲವರು ಈ ಸಿನಿಮಾದಲ್ಲಿ ಯಶ್ ಕೂಡಾ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡರೆ ಎಷ್ಟು ಚೆನ್ನಾಗಿರುತ್ತದೆ ಎಂದು ಅಂದುಕೊಂಡಿದ್ದು ಇದೆ. ಅದೀಗ ನಿಜವಾಗುವ ಲಕ್ಷಣವಿದೆ.

ಸಲಾರ್ ಸಿನಿಮಾದಲ್ಲಿ ಹಾಡಿರುವ ಗಾಯಕಿ ತೀರ್ಥ ಸುಭಾ಼ಷ್ ಇತ್ತೀಚೆಗೆ ಬಾಯ್ತಪ್ಪಿ ಈ ವಿಚಾರವನ್ನು ಹೊರಹಾಕಿದ್ದಾರೆ. ಸಲಾರ್ ನಲ್ಲಿ ಕೆಜಿಎಫ್ ಸ್ಟಾರ್ ರಾಕಿ ಭಾಯಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳಬಹುದು ಎಂದು ಸುಳಿವು ನೀಡಿದ್ದಾರೆ.

ಮಾಧ್ಯಮ ಸಂದರ್ಶನವೊಂದರಲ್ಲಿ ತೀರ್ಥ ಸಲಾರ್ ಸಿನಿಮಾ ಬಗ್ಗೆ ಮಾತನಾಡುವಾಗ ‘ಪ್ರಭಾಸ್ ಅಂಕಲ್, ಪೃಥ್ವಿರಾಜ್ ಅಂಕಲ್ ಮತ್ತು ಯಶ್ ಅಂಕಲ್’ ಎಂದು ಉಲ್ಲೇಖಿಸಿದ್ದರು. ಆದರೆ ತೀರ್ಥ ಹೇಳಿಕೆ ವೈರಲ್ ಆಗುತ್ತಿದ್ದಂತೇ ಸೋಷಿಯಲ್ ಮೀಡಿಯಾದಲ್ಲಿ ಸ್ಪಷ್ಟನೆಯನ್ನೂ ಕೊಟ್ಟರು. ಕೆಜಿಎಫ್ ಸಿನಿಮಾವನ್ನು ಬಹಳ ಬಾರಿ ನೋಡಿದ್ದೆ. ನನಗೆ ಅವಕಾಶ ಬಂದಾಗ ನನ್ನ ತಂದೆ ಕೆಜಿಎಫ್ ತಂಡವೇ ಸಲಾರ್ ಗೂ ಸಂಗೀತ ನೀಡುತ್ತಿದೆ ಎಂದಿದ್ದರು. ಅದೇ ಭರದಲ್ಲಿ ಯಶ್ ಹೆಸರು ಹೇಳಿದ್ದೆ’ ಎಂದು ಸಮಜಾಯಿಷಿ ನೀಡಿದ್ದಾರೆ. ಆದರೆ ಬಾಯ್ತಪ್ಪಿನಿಂದ ಬಂದಿದ್ದೋ, ನಿಜವಾಗಿಯೋ ಯಶ್ ಇದ್ದಾರೋ ಗೊತ್ತಿಲ್ಲ. ಯಶ್ ಅಭಿಮಾನಿಗಳಂತೂ ಈಗಲೇ ಸಲಾರ್ ನಲ್ಲಿ ರಾಕಿ ಭಾಯಿ ನೋಡಬಹುದು ಎಂಬ ಕುತೂಹಲದಲ್ಲಿದ್ದಾರೆ.