ರಿಷಬ್ ಶೆಟ್ಟಿ ‘ಹೀರೋ’ ಫಿಲಂಗೆ ತೆಲುಗಿನಲ್ಲೂ ಬೇಡಿಕೆ

ಬೆಂಗಳೂರು: ರಿಷಬ್ ಶೆಟ್ಟಿ ಲಾಕ್ ಡೌನ್ ಸಮಯದಲ್ಲಿ ತಮ್ಮ ಗೆಳೆಯರ ಜೊತೆಗೆ ಕೂಡಿಕೊಂಡು ನಿರ್ಮಿಸಿದ ‘ಹೀರೋ’ ಸಿನಿಮಾದ ಟೀಸರ್ ಈಗಾಗಲೇ ಭರ್ಜರಿ ರೆಸ್ಪಾನ್ಸ್ ಪಡೆದುಕೊಂಡಿದೆ. ಈ ಸಿನಿಮಾ ತೆಲುಗಿನಲ್ಲೂ ಬಿಡುಗಡೆಯಾದರೂ ಅಚ್ಚರಿಯಿಲ್ಲ.

ರಿಷಬ್ ಇತ್ತೀಚೆಗಷ್ಟೇ ‘ಮಿಷನ್ ಇಂಪಾಸಿಬಲ್’ ಎನ್ನುವ ತೆಲುಗು ಸಿನಿಮಾದಲ್ಲಿ ಅತಿಥಿ ಪಾತ್ರ ಮಾಡುತ್ತಿರುವ ಸುದ್ದಿ ಬಂದಿತ್ತು. ಈಗ ರಿಷಬ್ ಗೆ ಹೀರೋ ಸಿನಿಮಾ ಟೀಸರ್ ನೋಡಿದ ಅಭಿಮಾನಿಗಳು ಈ ಸಿನಿಮಾವನ್ನು ತೆಲುಗಿನಲ್ಲೂ ಬಿಡುಗಡೆ ಮಾಡಿ ಎಂದು ಬೇಡಿಕೆ ಮುಂದಿಟ್ಟಿದ್ದಾರೆ. ಇದನ್ನು ರಿಷಬ್ ಕೂಡಾ ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದಾರೆ. ಹಾಗಾಗಿ ಹೀರೋ ಸಿನಿಮಾವನ್ನು ಅವರು ತೆಲುಗಿನಲ್ಲೂ ಬಿಡುಗಡೆ ಮಾಡಿದರೂ ಅಚ್ಚರಿಯಿಲ್ಲ.