ಬೆಂಗಳೂರು: ಚುನಾವಣೆ ಹೊಸ್ತಿಲಿನಲ್ಲಿ ಕೆಲವು ಸಿನಿಮಾ ನಟರು ರಾಜಕೀಯ ಪಕ್ಷಕ್ಕೆ ಸೇರ್ಪಡೆಯಾಗುವ ಬಗ್ಗೆ, ಚುನಾವಣೆಗೆ ಸ್ಪರ್ಧಿಸುವ ಬಗ್ಗೆ ರೂಮರ್ ಗಳು ಹಬ್ಬುವುದು ಸಹಜ.
ಅದೇ ರೀತಿ ಕಾಂತಾರ ಸ್ಟಾರ್ ರಿಷಬ್ ಶೆಟ್ಟಿ ಕೂಡಾ ಈ ಬಾರಿ ಚುನಾವಣೆಗೆ ಸ್ಪರ್ಧಿಸಲಿದ್ದಾರೆ, ಅವರಿಗೆ ರಾಜಕೀಯ ಪಕ್ಷಗಳಿಂದ ಆಫರ್ ಬಂದಿದೆ ಎಂಬ ಸುದ್ದಿ ಹಬ್ಬಿತ್ತು.
ಈ ಬಗ್ಗೆ ಮಾಧ‍್ಯಮ ಜೊತೆಗಿನ ಸಂವಾದ ಕಾರ್ಯಕ್ರಮದಲ್ಲಿ ರಿಷಬ್ ಸ್ಪಷ್ಟನೆ ನೀಡಿದ್ದಾರೆ. ‘ಒಂದು ಮಾಧ್ಯಮದವರ ಪ್ರಕಾರ ನನಗೆ ಮೂರು ಕ್ಷೇತ್ರದಿಂದ ಟಿಕೆಟ್ ಸಿಕ್ಕಿದೆ. ಬದಲಾವಣೆ ತರಬೇಕೆಂದರೆ ರಾಜಕೀಯ ಸೇರಬೇಕೆಂದಿಲ್ಲ. ಒಂದು ಸಮಾಜ ಬದಲಾಗಬೇಕಾದರೆ ನಮ್ಮೆಲ್ಲರ ಕೊಡುಗೆ ಬೇಕು’ ಎಂದಿದ್ದಾರೆ.