ರಿಷಬ್ ಶೆಟ್ಟಿ ರುದ್ರಪ್ರಯಾಗ ಸಿನಿಮಾದಲ್ಲಿ ನಟಿಸುವವರಿಗೆ ಒಂದು ಸುವರ್ಣಾವಕಾಶ

ಬೆಂಗಳೂರು: ರಿಷಬ್ ಶೆಟ್ಟಿ ತಮ್ಮ ಸಿನಿಮಾಗಳಲ್ಲಿ ಹೊಸ ಕಲಾವಿದರಿಗೆ ಅವಕಾಶ ಕೊಡುವುದು ಹೊಸದೇನಲ್ಲ. ತಮ್ಮ ಕಿರಿಕ್ ಪಾರ್ಟಿ ಸಿನಿಮಾದಿಂದ ಹಿಡಿದು ಇತ್ತೀಚೆಗಿನ ಎಲ್ಲಾ ಸಿನಿಮಾಗಳವರೆಗೂ ಹೊಸ ಕಲಾವಿದರಿಗೆ ಅವಕಾಶ ಕೊಟ್ಟಿದ್ದಾರೆ.

ಇದೀಗ ರಿಷಬ್ ರುದ್ರಪ್ರಯಾಗ ಸಿನಿಮಾ ನಿರ್ದೇಶನ ಮಾಡುತ್ತಿದ್ದು, ಈ ಸಿನಿಮಾದಲ್ಲಿ ಅನಂತ್ ನಾಗ್ ಮುಖ್ಯಪಾತ್ರಧಾರಿ ಎಂದು ಈಗಾಗಲೇ ಘೋಷಿಸಿದ್ದಾರೆ.

ಆದರೆ ಈಗ ಬೇರೆ ಪಾತ್ರವರ್ಗಕ್ಕಾಗಿ ಹೊಸ ನಟ-ನಟಿಯರಿಗೆ ಅವಕಾಶ ನೀಡುತ್ತಿದ್ದಾರೆ. ಇದಕ್ಕಾಗಿ 30 ರಿಂದ 55 ವರ್ಷದೊಗಳಗಿನ  ಪುರುಷ ಮತ್ತು ಮಹಿಳೆಯರು ಇತ್ತೀಚೆಗಿನ ಭಾವಚಿತ್ರ, ನಿಮ್ಮ ಮೇಲಧಿಕಾರಿಗಳ ಬಳಿ ಒಂದು ತಿಂಗಳ ರಜೆ ಕೇಳುವಂತೆ ಮನವಿ ಮಾಡುವ ವಿಡಿಯೋ ಸಮೇತ ವೈಯಕ್ತಿಕ ವಿವರಗಳೊಂದಿಗೆ ವ್ಯಾಟ್ಸಪ್ ಮಾಡಬಹುದು. ಬೆಳಗಾವಿ, ಹುಬ್ಬಳ್ಳಿ, ಧಾರವಾಢ ಆಸುಪಾಸಿನ ವ್ಯಕ್ತಿಗಳಿಗೆ ಆದ್ಯತೆಯಿದೆಯಂತೆ. ಈ ಅವಕಾಶವನ್ನು ಕಲಾವಿದರಾಗಲು ಬಯಸುವವರು ಬಳಸಿಕೊಳ್ಳಬಹುದು ಎಂದು ರಿಷಬ್ ಆಫರ್ ನೀಡಿದ್ದಾರೆ.