ಬೆಂಗಳೂರು : ಕಿರಿಕ್ ಪಾರ್ಟಿಯ ಕ್ಯೂಟ್ ಜೋಡಿ ರಕ್ಷಿತ್-ರಶ್ಮಿಕಾ ಮದುವೆಯಾಗುತ್ತಾರೆ ಎಂದುಕೊಂಡ ಅಭಿಮಾನಿಗಳಿಗೆ ಇದೀಗ ಅವರಿಬ್ಬರು ಎಂಗೇಜ್ ಮೆಂಟ್ ಬ್ರೇಕ್ ಅಪ್ ಮಾಡಿಕೊಂಡು ಬೇಸರ ಮೂಡಿಸಿದ್ದಾರೆ. ಈ ಸಂಬಂಧ ಈ ರೀತಿ ಹಳಸಲು ಕಾರಣವೆನೆಂಬುದನ್ನು ಇದೀಗ ರಶ್ಮಿಕಾ ತಾಯಿ ಸುಮನ್ ಮಂದಣ್ಣ ಬಹಿರಂಗಪಡಿಸಿದ್ದಾರೆ.
ಕಿರಿಕ್ ಪಾರ್ಟಿ ಚಿತ್ರದ ಮೂಲಕ ಒಂದಾದ ಈ ಜೋಡಿ ಕಳೆದ ವರ್ಷ ಎಂಗೇಜ್ ಮೆಂಟ್ ಕೂಡ ಮಾಡಿಕೊಂಡಿತ್ತು. ಇನ್ನೇನು ಮದುವೆಯಾಗುತ್ತಾರೆ ಎಂದುಕೊಳ್ಳವಷ್ಟರಲ್ಲೆ ಇದೀಗ ಸಂಬಂಧ ಮುರಿದುಕೊಂಡಿದ್ದಾರೆ. ಇದಕ್ಕೆ ಕಾರಣ ಅವರ ನಡುವೆ ಉಂಟಾದ ಭಿನ್ನಾಭಿಪ್ರಾಯವಂತೆ.
ಈ ಬಗ್ಗೆ ಮಾತನಾಡಿರುವ ರಶ್ಮಿಕಾ ತಾಯಿ ಸುಮನ್ ಮಂದಣ್ಣ,” ನಾವು ಒಂದು ತಿಂಗಳಿನಿಂದ ತುಂಬಾ ಡಿಸ್ಟರ್ಬ್ ಆಗಿದ್ದೇವೆ. ರಕ್ಷಿತ್ ಗೆ ಅವರ ಫ್ಯಾಮಿಲಿ ಮುಖ್ಯ ಹಾಗೆ ರಶ್ಮಿಕಾ ನಮ್ಮ ಫ್ಯಾಮಿಲಿ ಮುಖ್ಯ . ಒಬ್ಬರು ಒಬ್ಬರನ್ನು ಬಿಟ್ಟುಕೊಡುತ್ತಿಲ್ಲ . ಹೀಗಾಗೆ ಎರಡು ಕುಟುಂಬಗಳು ಕೂತು ನಿರ್ಧಾರ ಮಾಡಿ ದೂರವಾಗಲು ಸಮ್ಮತಿಸಿದ್ದೇವೆ. ರಶ್ಮಿಕಾಗೆ ಅವಳ ಕೆರಿಯರ್ ಮುಖ್ಯ . ಎಲ್ಲರಿಗು ಅವರದ್ದೆ ಜೀವನವಿರುತ್ತದೆ . ಅದನ್ನ ಖುಷಿಯಿಂದ ಬದುಕಲು ಬಿಡಬೇಕು . ಹೀಗಾಗೆ ಈ ನಿರ್ಧಾರವನ್ನ ಮಾಡಿದ್ದೇವೆ ಎನ್ನುವ ಮೂಲಕ , ಈ ಜೋಡಿ ಮದುವೆ ಆಗೋದಿಲ್ಲ ಅನ್ನೋ ವಿಚಾರವನ್ನ ಸ್ಪಷ್ಟ ಪಡಿಸಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
