ದಳಪತಿ ವಿಜಯ್ ಗೆ ದೃಷ್ಟಿ ತೆಗೆದು ಸಂಭ್ರಮಿಸಿದ ರಶ್ಮಿಕಾ ಮಂದಣ್ಣ

Photo Courtesy: Twitter

ಚೆನ್ನೈ: ನಟಿ ರಶ್ಮಿಕಾ ಮಂದಣ್ಣ ದಳಪತಿ ವಿಜಯ್ ಮುಂದಿನ ಸಿನಿಮಾಗೆ ನಾಯಕಿ ಎನ್ನುವುದು ನಿನ್ನೆಯೇ ಘೋಷಣೆಯಾಗಿತ್ತು. ಇಂದು ಈ ಸಿನಿಮಾದ ಮುಹೂರ್ತ ಕಾರ್ಯಕ್ರಮ ನೆರವೇರಿತು.

ಚೆನ್ನೈನಲ್ಲಿ ನಡೆದ ಮುಹೂರ್ತ ಕಾರ್ಯಕ್ರಮದಲ್ಲಿ ವಿಜಯ್ ಜೊತೆಗೆ ರಶ್ಮಿಕಾ ಕೂಡಾ ಪಾಲ್ಗೊಂಡಿದ್ದರು. ಈ ವೇಳೆ ವಿಜಯ್ ಜೊತೆಗೆ ಅಭಿನಯಿಸುವ ಅವಕಾಶ ಪಡೆದ ಖುಷಿಯನ್ನು ಅವರು ಹಂಚಿಕೊಂಡಿದ್ದಾರೆ.

ಹಲವು ವರ್ಷಗಳಿಂದ ನಿಮ್ಮ ಸಿನಿಮಾ ನೋಡುತ್ತಾ, ಆರಾಧಿಸುತ್ತಾ ಬೆಳೆದೆ. ಈಗ ಅವರ ಜೊತೆಗೆ ನನಗೆ ಅಭಿನಯಿಸಬಹುದು, ಡ್ಯಾನ್ಸ್ ಮಾಡಬಹುದು, ಕಣ್ಣಲ್ಲಿ ಕಣ್ಣಿಟ್ಟು ನೋಡಬಹುದು. ವಾವ್ ಇದು ಕನಸು ನನಸಾದ ಕ್ಷಣ ಎಂದು ರಶ್ಮಿಕಾ ಖುಷಿಯಿಂದ ಹೇಳಿದ್ದಾರೆ. ಇನ್ನು, ಮುಹೂರ್ತ ಕಾರ್ಯಕ್ರಮದ ಕ್ಷಣಗಳ ಫೋಟೋ ಹಂಚಿಕೊಂಡಿರುವ ರಶ್ಮಿಕಾ ವಿಜಯ್ ದೃಷ್ಟಿ ತೆಗೆದು ಸಂಭ್ರಮಿಸಿದ ಕ್ಷಣವನ್ನು ಹಂಚಿಕೊಂಡಿದ್ದಾರೆ.