ವಿಜಯ್ ದೇವರಕೊಂಡ ಜೊತೆ ವಿಯೆಟ್ನಾಂನದಲ್ಲಿ ರಶ್ಮಿಕಾ ಸುತ್ತಾಟ

ಹೈದರಾಬಾದ್: ವಿಜಯ್ ದೇವರಕೊಂಡ ಜೊತೆ ರಶ್ಮಿಕಾ ಮಂದಣ್ಣ ಈಗ ವಿಯೆಟ್ನಾಂನಲ್ಲಿ ಸುತ್ತಾಡುತ್ತಿರುವುದಕ್ಕೆ ಈಗ ಸಾಕ್ಷಿಯೊಂದು ಸಿಕ್ಕಿದೆ.

ವಿಜಯ್ ಮತ್ತು ರಶ್ಮಿಕಾ ನಾವಿಬ್ಬರೂ ಜಸ್ಟ್ ಫ್ರೆಂಡ್ಸ್ ಎಂದರೂ ಇಬ್ಬರ ನಡುವೆ ಅದಕ್ಕೂ ಮೀರಿದ ಸಂಬಂಧವಿದೆ ಎಂಬುದಕ್ಕೆ ಅನೇಕ ಬಾರಿ ಸಾಕ್ಷಿಗಳು ದೊರೆತಿದೆ. ಇಬ್ಬರೂ ಅನೇಕ ಬಾರಿ ಒಂದೇ ಕಡೆ ಇರುವ ಬೇರೆ ಬೇರೆ ಫೋಟೋ ಪ್ರಕಟಿಸಿ ಸಿಕ್ಕಿಬಿದ್ದು ಉದಾಹರಣೆಯಿದೆ.

ಇದೀಗ ಮತ್ತೊಮ್ಮೆ ಅದೇ ರೀತಿ ಮಾಡಿ ಸಿಕ್ಕಿಹಾಕಿಕೊಂಡಿದ್ದಾರೆ. ಇತ್ತೀಚೆಗೆ ಈ ಜೋಡಿ ವಿಯೆಟ್ನಾಂಗೆ ಜೊತೆಯಾಗಿ ತೆರಳಿತ್ತು ಎನ್ನಲಾಗಿದೆ. ಅದಕ್ಕೆ ಸಂಬಂಧಿಸಿದಂತೆ ಇಬ್ಬರೂ ಒಂದೇ ಕಡೆ ಇರುವ ತಮ್ಮ ತಮ್ಮ ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ಇದರಿಂದಾಗಿ ಇಬ್ಬರ ಪ್ರವಾಸದ ಗುಟ್ಟು ಬಯಲಾಗಿದೆ.

ರಶ್ಮಿಕಾ ಮತ್ತು ವಿಜಯ್ ತೆರೆ ಮೇಲೆ ಅದ್ಭುತ ಜೋಡಿ ಎನಿಸಿಕೊಂಡಿದ್ದರು. ಇವರಿಬ್ಬರೂ ನಿಜ ಜೀವನದಲ್ಲೂ ಒಂದಾಗಬೇಕು ಎಂಬುದು ಅಭಿಮಾನಿಗಳ ಬಯಕೆ. ಇತ್ತೀಚೆಗೆ ಇಬ್ಬರೂ ನಿಶ್ಚಿತಾರ್ಥ ಮಾಡಿಕೊಳ್ಳಲಿದ್ದಾರೆ ಎಂಬ ಸುದ್ದಿಯೂ ಹಬ್ಬಿತ್ತು. ಬಳಿಕ ವಿಜಯ್ ಟೀಂ ಇದನ್ನು ಅಲ್ಲಗಳೆದಿತ್ತು.