ಬೆಂಗಳೂರು: ವಿದೇಶದಿಂದ ಪ್ರಾರಂಭವಾಗಿರುವ ಬಾಟಲ್ ಕ್ಯಾಪ್ ಚಾಲೆಂಜ್ ಈಗ ಸ್ಯಾಂಡಲ್ ವುಡ್ ನಲ್ಲೂ ಸದ್ದು ಮಾಡುತ್ತಿದೆ.
ಮೊನ್ನೆಯಷ್ಟೇ ಗೋಲ್ಡನ್ ಸ್ಟಾರ್ ಗಣೇಶ್ ಬಾಟಲ್ ಕ್ಯಾಪ್ ಚಾಲೆಂಜ್ ಪೂರ್ತಿ ಮಾಡಿ ಸೈ ಎನಿಸಿಕೊಂಡಿದ್ದರು. ಈಗ ಡಿಂಪಲ್ ಸುಂದರಿ ರಚಿತಾ ರಾಮ್ ಹಾಗೂ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಕೂಡಾ ಇದೇ ಚಾಲೆಂಜ್ ಸ್ವೀಕರಿಸಿ ಆ ವಿಡಿಯೋವನ್ನು ತಮ್ಮ ಇನ್ ಸ್ಟಾಗ್ರಾಂ ಪೇಜ್ ನಲ್ಲಿ ಪೋಸ್ಟ್ ಮಾಡಿದ್ದಾರೆ.
ಕೈ ಬಳಸದೇ ಕಾಲಿನ ಸಹಾಯದಿಂದ ಸಾಹಸ ಮಾಡಿ ಬಾಟಲಿಯ ಮುಚ್ಚಳ ಮಾತ್ರ ಕೆಳಕ್ಕೆ ಬೀಳಿಸುವುದು ಈ ಚಾಲೆಂಜ್ ನ ಗುರಿ. ಅದನ್ನೀಗ ಈ ಇಬ್ಬರೂ ತಾರೆಯರು ಮಾಡಿ ತಾವು ಎಷ್ಟು ಫಿಟ್ ಎಂದು ತೋರಿಸಿದ್ದಾರೆ.
