ಬೆಂಗಳೂರು: ಸ್ಯಾಂಡಲ್ ವುಡ್ ನಲ್ಲಿ ತುಂಬಾ ದಿನಗಳ ಕಾಲ ಹೀರೋಯಿನ್ ಪಟ್ಟ ಉಳಿಸಿಕೊಳ್ಳುವುದು ಸುಲಭವಲ್ಲ. ಅದೂ ಈಗಿನ ಜಮಾನದಲ್ಲಿ ಕೆಲವು ಮಂದಿ ಮಾತ್ರ ಇದ್ದಾರೆ. ಅಂತಹವರ ಪೈಕಿ ರಚಿತಾ ರಾಂ ಕೂಡಾ ಒಬ್ಬರು.
ಡಿಂಪಲ್ ಕ್ವೀನ್ ಗೆ ಇದು ಬ್ಯುಸಿ ವರ್ಷ ಎಂದರೂ ತಪ್ಪಾಗಲಾರದು. 35 ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಅಭಿನಯಿಸಿದ ಮೇಲೂ ರಚಿತಾ ಈಗಲೂ ತಮ್ಮ ಬೇಡಿಕೆ ಉಳಿಸಿಕೊಂಡಿದ್ದಾರೆ. ಮೊನ್ನೆಯಷ್ಟೇ ಅವರ ಶಬರಿ ಸಿನಿಮಾ ಸೆಟ್ಟೇರಿದೆ.
ಇದಲ್ಲದೆ ಈ ವರ್ಷ ರಚಿತಾ ಕೈಯಲ್ಲಿ ಇನ್ನಷ್ಟು ಸಿನಿಮಾಗಳಿವೆ. ಅದೂ ಕೇವಲ ಮರಸುತ್ತುವ ಪಾತ್ರಗಳಲ್ಲ. ಮಹಿಳಾ ಪ್ರಧಾನ ಸಿನಿಮಾಗಳಲ್ಲೇ ರಚಿತಾ ಹೆಚ್ಚು ಕಾಣಿಸಿಕೊಳ್ಳುತ್ತಿದ್ದಾರೆ. ಶಬರಿ ಕೂಡಾ ಅಂತಹದ್ದೇ ಸಿನಿಮಾ. ಅದಲ್ಲದೆ, ‘ಏಪ್ರಿಲ್’, ‘ಲಿಲ್ಲಿ’ ಕೂಡಾ ನಾಯಕಿ ಪ್ರಧಾನ ಸಿನಿಮಾಗಳೇ. ಇದಲ್ಲದೆ ಪ್ರಜ್ವಲ್ ದೇವರಾಜ್ ಜೊತೆಗೆ ವೀರಂಗೆ ನಾಯಕಿ. ಇನ್ನು, ಪಂಕಜ ಕಸ್ತೂರಿ ಸಿನಿಮಾದಲ್ಲೂ ಅವರದ್ದೇ ಪ್ರಧಾನ ಪಾತ್ರ. ಅಲ್ಲಿಗೆ ರಚಿತಾರ ಸಾಲು ಸಾಲು ಸಿನಿಮಾಗಳು ಮುಂದಿನ ಎರಡು ವರ್ಷ ಬಿಡುಗಡೆಯಾಗುವುದು ಪಕ್ಕಾ.