ರಾಯನ್ ರಾಜ್ ಸರ್ಜಾನಿಗೆ 11 ತಿಂಗಳು: ಕ್ಯೂಟ್ ವಿಡಿಯೋ ಶೇರ್ ಮಾಡಿದ ಮೇಘನಾ

ಬೆಂಗಳೂರು: ಚಿರು ಸರ್ಜಾ-ಮೇಘನಾ ದಂಪತಿ ಪುತ್ರ ರಾಯನ್ ರಾಜ್ ಸರ್ಜಾ ಯಾವ ಸೆಲೆಬ್ರಿಟಿಗೂ ಕಮ್ಮಿಯಿಲ್ಲ. ಈ ಮುದ್ದು ಮಗುವಿಗೆ ಈಗ 11 ತಿಂಗಳು ತುಂಬಿದೆ.

ಈ ಸಂತೋಷದ ಕ್ಷಣದಲ್ಲಿ ಮೇಘನಾ ಅಭಿಮಾನಿಗಳಿಗಾಗಿ ಕ್ಯೂಟ್ ವಿಡಿಯೋವೊಂದನ್ನು ಶೇರ್ ಮಾಡಿದ್ದಾರೆ. ರಾಯನ್ ಗೆ 11 ತಿಂಗಳು ತುಂಬಿತು ಎಂದರೆ ನಂಬಲಾಗುತ್ತಿಲ್ಲ. ಎಷ್ಟು ಬೇಗ ದೊಡ್ಡವನಾಗಿ ಬಿಟ್ಟ. ನನ್ನ ಜೊತೆಗೆ ಅಭಿಮಾನಿಗಳೂ ಆತನ ಪ್ರತೀ ತಿಂಗಳನ್ನೂ ಸೆಲೆಬ್ರೇಟ್ ಮಾಡಿದ್ದಾರೆ. ಅವರೆಲ್ಲರಿಗಾಗಿ ಈ ರಾಯನ್ ಈ ವಿಡಿಯೋ ಮೂಲಕ ಥ್ಯಾಂಕ್ಸ್ ಹೇಳುತ್ತಿದ್ದಾನೆ ಎಂದು ಮೇಘನಾ ಹೇಳಿದ್ದಾರೆ.

 ಈ ವಿಡಿಯೋದಲ್ಲಿ ರಾಯನ್ ತನ್ನ ಮೆಚ್ಚಿನ ಗೊಂಬೆಯೊಂದಿಗೆ ಆಡುವ ದೃಶ್ಯವಿದೆ. ಇತ್ತೀಚೆಗಷ್ಟೇ ರಾಯನ್ ಗೆ ನಾಮಕರಣ ಶಾಸ್ತ್ರ ಅದ್ಧೂರಿಯಾಗಿ ನೆರವೇರಿತ್ತು. ಇನ್ನೇನು ಒಂದು ತಿಂಗಳು ಕಳೆದ ರಾಯನ್ ಗೆ ಮೊದಲ ಹುಟ್ಟುಹಬ್ಬದ ಸಂಭ್ರಮವಾಗಲಿದೆ.