ಕಲಬರಗಿಯಲ್ಲಿ ಇಂದು ಪವರ್ ಸ್ಟಾರ್ ಪುನೀತ್ ರಾಜಕುಮಾರ್

ಬೆಂಗಳೂರು: ಯುವರತ್ನ ಸಿನಿಮಾ ಪ್ರಚಾರದಲ್ಲಿ ತೊಡಗಿಸಿಕೊಳ್ಳಲಿರುವ ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಇಂದು ಕಲಬರಗಿಗೆ ಆಗಮಿಸಿದ್ದಾರೆ.

ಇಂದಿನಿಂದ ಮೂರು-ನಾಲ್ಕು ದಿನಗಳ ಕಾಲ ಯುವರತ್ನ ತಂಡ ರಾಜ್ಯಾದ್ಯಂತ ಪ್ರವಾಸ ಮಾಡಲಿದ್ದು, ಯುವರತ್ನ ಸಿನಿಮಾ ಪ್ರಚಾರ ಮಾಡಲಿದೆ. ಪ್ರಿ ರಿಲೀಸ್ ಈವೆಂಟ್ ಬದಲಿಗೆ ರಾಜ್ಯ ಪ್ರವಾಸ ಮಾಡಲು ಯುವರತ್ನ ತಂಡ ನಿರ್ಧರಿಸಿತ್ತು.

ಅದರಂತೆ ನಿರ್ದೇಶಕ ಸಂತೋಷ್ ಆನಂದ್ ರಾಮ್, ನಟರಾದ ಡಾಲಿ ಧನಂಜಯ್, ರವಿಶಂಕರ್ ಗೌಡ ಸೇರಿದಂತೆ ಇಡೀ ಚಿತ್ರತಂಡದೊಂದಿಗೆ ಪುನೀತ್ ಇಂದು ಕಲಬರಗಿ ಬಂದಿಳಿದಿದ್ದಾರೆ. ನಾಳೆ ಚಿತ್ರದುರ್ಗ, ತುಮಕೂರು, ಬಳ್ಳಾರಿ ಸೇರಿದಂತೆ ಹಲವೆಡೆ ಪ್ರಚಾರ ನಡೆಸಲಿದ್ದಾರೆ. ಮಂಗಳವಾರ ಮೈಸೂರಿಗೆ ಬಂದಿಳಿಯುವ ನಿರೀಕ್ಷೆಯಿದೆ.