ಈ ವರ್ಷದ ಬಹು ನಿರೀಕ್ಷಿತ ಚಿತ್ರಗಳಲ್ಲಿ ಕಿಚ್ಚ ಸುದೀಪ್ ಅಭಿನಯದ ಹೆಬ್ಬುಲಿ ಸಹ ಒಂದು. ಮೀಡಿಯಂ ಮತ್ತು ಲೋ ಬಜೆಟ್ ಸಿನಿಮಾಗಳು ಹೆಬ್ಬುಲಿ ಹೊಡೆತಕ್ಕೆ ಈಗಾಗಲೆ ಹೈರಾಣಾಗಿವೆ. ಹೆಬ್ಬುಲಿ ಬರುವುದಕ್ಕಿಂತ ಮುಂಚೆ ಬಿಡುಗಡೆಯಾಗಿ ಬಂದಷ್ಟನ್ನು ಜೇಬಿಗಾಕಿಕೊಂಡು ಥಿಯೇಟರ್ ಖಾಲಿ ಮಾಡುತ್ತಿವೆ.
ಹೆಬ್ಬುಲಿ ಚಿತ್ರ ಸುಮಾರು 500 ಚಿತ್ರಮಂದಿರಗಳಿಗೆ ದಾಂಗುಡಿ ಇಡುತ್ತಿದೆ. ಹಾಗಾಗಿ ಬಡಪಾಯಿ ಚಿತ್ರಗಳು ಚಿತ್ರಮಂದಿರದಿಂದ ಓಟ ಕಿತ್ತಿವೆ. ಆದರೆ ಪೂಜಾಗಾಂಧಿ ಮಾತ್ರ ಇದ್ಯಾವುದಕ್ಕು ಕೇರ್ ಮಾಡುತ್ತಿಲ್ಲ. ಹೆಬ್ಬುಲಿಗೆ ಜಿಲೇಬಿ ತಿನ್ನಿಸಲು ಬರುತ್ತಿದ್ದಾರೆ. ಫೆ.23ಕ್ಕೆ ಹೆಬ್ಬುಲಿ ರಿಲೀಸ್ ಆಗುತ್ತಿದ್ದರೆ, ಫೆ.24ಕ್ಕೆ ಜಿಲೇಬಿ ತೆರೆಗೆ ಬರುತ್ತಿದೆ.
ಲಕ್ಕಿ ಶಂಕರ್ ಆಕ್ಷನ್ ಕಟ್ ಹೇಳಿರುವ ಈ ಚಿತ್ರದ ಪಾತ್ರವರ್ಗದಲ್ಲಿ ಯಶಸ್ ಸೂರ್ಯ, ತಬಲಾ ನಾಣಿ, ಶೋಭರಾಜ್, ದತ್ತಣ್ಣ, ಮಿತ್ರ, ರಾಕ್‍ಲೈನ್ ಸುಧಾಕರ್ ಮುಂತಾದವರಿದ್ದಾರೆ. ಇ ಚಿತ್ರದಲ್ಲಿ ಪೂಜಾಗಾಂಧಿ ಬೋಲ್ಡ್ ಅವತಾರದಲ್ಲಿ ಕಾಣಿಸಿಕೊಂಡಿದ್ದು ಪಡ್ಡೆಗಳಿಗೆ ಭರ್ಜರಿ ಮನರಂಜನೆ ಸಿಗಲಿದೆ ಎಂದು ನಿರೀಕ್ಷಿಸಲಾಗಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
