ಮದುವೆ ದಿನ ಸಮಂತಾ ಪತಿ ರಾಜ್ ನಿಡಿಮೋರು ಬಗ್ಗೆ ಈ ವಿಚಾರ ಹೆಚ್ಚು ಹುಡುಕಾಟ

Photo Credit X

ನಿರ್ಮಾಪಕ ರಾಜ್ ನಿಡಿಮೋರು ಅವರನ್ನು ಕೈಹಿಡಿಯುವ ಮೂಲಕ ನಟಿ ಸಮಂತಾ ರುತ್ ಪ್ರಭು ಎರಡನೇ ಭಾರೀ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಕೆಲ ವರ್ಷಗಳಿಂದ ಈ ಜೋಡಿ ಆಗಾಗ ಒಟ್ಟಿಗೆ ಕಾಣಿಸಿಕೊಂಡಿದ್ದು, ಪ್ರೀತಿಯಲ್ಲಿದ್ದಾರೆಂಬ ಸುದ್ದಿ ಹರಿದಾಡುತ್ತಲೇ ಇತ್ತು. ಇದೀಗ ಈ ಜೋಡಿ ಸದ್ದಿಲ್ಲದೆಯೇ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಇದೀಗ ಸಾಮಾಜಿಕ ಜಾಲತಾಣದಲ್ಲಿ ರಾಜ್ ನಿಡಿಮೋರು ಅವರು ವಯಸ್ಸಿನ ಭಾರೀ ಹುಡುಕಾಟ ಜಾಸ್ತಿಯಾಗಿದೆ. 

ಏಪ್ರಿಲ್ 28, 1987 ರಂದು ಜನಿಸಿದ ಸಮಂತಾ ರುತ್ ಪ್ರಭು ಅವರಿಗೆ 2025ರಲ್ಲಿ 38 ವರ್ಷಗಳಾಗಿದೆ. ನಿರ್ದೇಶಕ ರಾಜ್ ನಿಡಿಮೋರು ಅವರು ಆಗಸ್ಟ್ 4, 1979 ರಂದು ಜನಿಸಿದರು. ಅದರಂತೆ ನಿರ್ದೇಶಕನಿಗೆ 46 ವರ್ಷ ವಯಸ್ಸಾಗಿದೆ. 

ನಾಗಚೈತನ್ಯ ಅವರನ್ನು 2017ರಲ್ಲಿ ಮದುವೆಯಾಗಿದ್ದ  ಸಮಂತಾ ಅವರು 2021ರಲ್ಲಿ ಡಿವೋರ್ಸ್ ಪಡೆದು ದೂರವಾಗಿದ್ದರು. ಈ ಜೋಡಿಯೂ ಪ್ರೀತಿ ಮಾಡಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಆದರೆ ವೈಯಕ್ತಿಕ ಕಾರಣದಿಂದ ಈ ಜೋಡಿ ದೂರ ದೂರವಾಗಿತ್ತು. ಸಾಮಾಜಿಕ ಜಾಲತಾಣದಲ್ಲಿ ಇವರಿಬ್ಬರ ಡೀವೋರ್ಸ್ ವಿಚಾರ ಭಾರೀ ಚರ್ಚೆಯಾಗಿತ್ತು. 

ನಾಗಚೈತನ್ಯ ಅವರು 2024ರಲ್ಲಿ ನಟಿ, ಮಾಡೆಲ್ ಶೋಭಿತಾ ದೂಳಿಪಾಲ ಅವರನ್ನು ಕೈಹಿಡಿದಿದ್ದರು. ಇನ್ನೂ ನಾಗಚೈತನ್ಯ ಅವರಿಂದ ದೂರವಾದ ಬಳಿಕ ಸಮಂತಾ ಅವರ ಹೆಸರು ರಾಜ್ ನಿಡಿಮೋರ್ ಜತೆ ತಳುಕು ಹಾಕಿತ್ತು. ಈ ಜೋಡಿ ವಿದೇಶದಲ್ಲಿ ಹಾಗೂ ಮನೆಯಲ್ಲಿ ವಿಶೇಷ ಸಮಾರಂಭದಲ್ಲಿ ಒಟ್ಟಾಗಿ ಕಾಣಿಸಿಕೊಂಡಿದ್ದರು. ಈ ಜೋಡಿ ಪ್ರೀತಿಯಲ್ಲಿದ್ದಾರೆಂಬ ಸುದ್ದಿಯಲ್ಲಿರುವಾಗಲೇ ಇದೀಗ ಗುಟ್ಟಾಗಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. 

ಮದುವೆಯಲ್ಲಿ ಕುಟುಂಬದವರು ಹಾಗೂ ಸ್ನೇಹಿತರು ಪಾಲ್ಗೊಂಡಿದ್ದರು.