ಕಿಚ್ಚ ಸುದೀಪ್ ಸಿನಿಮಾಗೆ ಅರ್ಜುನ್ ಜನ್ಯಾ ಸಂಗೀತವಿಲ್ಲ!

ಬೆಂಗಳೂರು: ಸ್ಯಾಂಡಲ್ ವುಡ್ ನಲ್ಲಿ ಕಿಚ್ಚ ಸುದೀಪ್ ಸಿನಿಮಾ ಎಂದರೆ ಅಲ್ಲಿ ಸಂಗೀತ ನಿರ್ದೇಶನ ಮಾಡುವವರು ಅರ್ಜುನ್ ಜನ್ಯಾ ಎಂದು ಫಿಕ್ಸ್ ಆಗಿತ್ತು. ಆದರೆ ಫ್ಯಾಂಟಮ್ ಸಿನಿಮಾದಲ್ಲಿ ಆ ಸರಣಿಗೆ ಬ್ರೇಕ್ ಬೀಳಲಿದೆ.

ಕಿಚ್ಚ ಸುದೀಪ್ ರಿಂದಲೇ ಸಿನಿಮಾ ಸಂಗೀತದಲ್ಲಿ ಮರುಹುಟ್ಟು ಪಡೆದಿದ್ದ ಅರ್ಜುನ್ ಜನ್ಯಾ ಪ್ರತೀ ಸಿನಿಮಾಗೂ ಸಂಗೀತ ನಿರ್ದೇಶನ ಮಾಡುತ್ತಿದ್ದರು. ವಿಶೇಷವೆಂದರೆ ಕಿಚ್ಚನಿಗೆ ಜನ್ಯಾ ನೀಡಿದ ಎಲ್ಲಾ ಹಾಡುಗಳೂ ಹಿಟ್ ಆಗಿದ್ದವು.

ಆದರೆ ಅನೂಪ್ ಭಂಡಾರಿ ನಿರ್ದೇಶನದ ‘ಫ್ಯಾಂಟಮ್’ ಸಿನಿಮಾಗೆ ಅಜನೀಶ್ ಸಂಗೀತ ಸಂಯೋಜಿಸುತ್ತಿದ್ದಾರೆ. ಅಲ್ಲಿಗೆ ಹಲವು ಸಿನಿಮಾಗಳ ಬಳಿಕ ಕಿಚ್ಚನ ಸಿನಿಮಾಗೆ ಬೇರೊಬ್ಬರು ಸಂಗೀತ ಸಂಯೋಜಿಸುತ್ತಿದ್ದಾರೆ. ಒಂದೆಡೆ ಹೃದಾಯಾಘಾತಕ್ಕೊಳಗಾಗಿರುವ ಅರ್ಜುನ್ ಜನ್ಯಾ ಸದ್ಯಕ್ಕೆ ತಮ್ಮ ಕೆಲಸಗಳಿಂದ ವಿಶ್ರಾಂತಿ ಪಡೆಯಲಿದ್ದಾರೆ.