ಪ್ರತಿಭಾವಂತರೇ ಸೇರಿಕೊಂಡು ಮಾಡಿರುವ ಸಿನಿಮಾ ’ನಿರುತ್ತರ’. ಈಗಾಗಲೆ ಚಿತ್ರದ ಪೋಸ್ಟರ್‌ಗಳು, ಟ್ರೇಲರ್‌ಗಳು ಸಾಕಷ್ಟು ನಿರೀಕ್ಷೆಯನ್ನು ಹುಟ್ಟುಹಾಕಿವೆ. ಹೊಸ ರೀತಿಯ ಸಂಬಂಧಗಳಿಗೆ ಉತ್ತರ ಹುಡುಕುತ್ತಾ ನಿರುತ್ತರಾ? ಅನ್ನೋ ಆಸಕ್ತಿ ಕೆರಳಿಸಿರುವ ಸಿನಿಮಾ ಇದು.
ಇದೇ ಡಿಸೆಂಬರ್ 23ಕ್ಕೆ ಪ್ರೇಕ್ಷಕರ ಮುಂದೆ ಬರಲು ಸಿದ್ಧವಾಗಿದೆ. ರಾಜ್ಯದಾದ್ಯಂತ 100 ಪ್ಲಸ್ ಚಿತ್ರಮಂದಿರಗಳಲ್ಲಿ ತೆರೆಕಾಣುತ್ತಿದ್ದು, ಇನ್ನೊಂದು ತಿಂಗಳಲ್ಲಿ ವಿದೇಶಗಳಲ್ಲೂ ’ನಿರುತ್ತರ’ ಪ್ರದರ್ಶನವಾಗಲಿದೆ. ಈ ಚಿತ್ರದಲ್ಲಿ ಸಾಕಷ್ಟು ವಿಶೇಷಗಳಿದ್ದಾವೆ ಅನ್ನುವುದು ತಂತ್ರಜ್ಞರನ್ನು ನೋಡಿದರೆ ಗೊತ್ತಾಗುತ್ತದೆ.
ರಾಷ್ಟ್ರಪ್ರಶಸ್ತಿ ವಿಜೇತ ರಸೂಲ್‍ ಪೂಕಟ್ಟಿ ಸೌಂಡ್‍ಡಿಸೈನ್, ನೀಲಾದ್ರಿ ಕುಮಾರ್ ಸಂಗೀತ, ಬಾಲಿವುಡ್ ನಟ ರಾಹುಲ್ ಬೋಸ್‍ ಅಭಿನಯ ಮತ್ತು ಛಾಯಗ್ರಹಣ ಇವೆಲ್ಲವೂ ಚಿತ್ರದ ವಿಶೇಷಗಳು. ಅಪೂರ್ವ ಕಾಸರವಳ್ಳಿ ನಿರ್ದೇಶನದ ಚಿತ್ರಕ್ಕೆ ಇದೇ ಮೊಲದ ಬಾರಿ ನಿರ್ಮಾಪಕಿ ಅನ್ನಿಸಿಕೊಂಡಿದ್ದಾರೆ ಚಂದ್ರಮುಖಿ ಪ್ರಾಣಸಖಿ ಭಾವನಾ.
ಇದರಲ್ಲಿ ಲವ್, ಗೆಳೆತನ, ಪ್ರೀತಿಯ ಪ್ರಕಾರಗಳನ್ನು ಸಂಸಾರಿಕ ಕಥನದೊಂದಿಗೆ ಹೇಳಲಾಗಿದೆ. ಮದುವೆ, ಗೆಳೆತನ, ಪ್ರೀತಿ ಮೂರು ಸಂಬಂಧಗಳಲ್ಲಿ ಸಿನಿಮಾ ಸಾಗುತ್ತದೆ. ಒಂದಕ್ಕೊಂದು ಸನ್ನಿವೇಶಗಳು ಹೊಂದಿಕೊಂಡಾಗ ಯಾವ ರೀತಿ ಅವಘಡ ಉಂಟಾಗುತ್ತದೆ. ಸಂಸಾರದಲ್ಲಿ ಏಳುವ ಎಲ್ಲಾ ಪ್ರಶ್ನೆಗಳಿಗೆ ಉತ್ತರ ಸಿಗುತ್ತದೆಯೋ ಅಥವಾ ನಿರುತ್ತರವೋಎನ್ನುವುದಕ್ಕೆ ಸಿನಿಮಾ ನೋಡಬೇಕು ಎನ್ನುತ್ತಾರೆ ನಿರ್ದೇಶಕರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
