ಶೋಭಿತಾ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡ ನಾಗಚೈತನ್ಯ: ಎರಡು ವರ್ಷ ಈ ಥರಾ ಮಾಡಿ ಅನುಕಂಪ ಗಿಟ್ಟಿಸಿದ್ರಂತೆ ನಾಗ

ಬೆಂಗಳೂರು: ಸಮಂತಾಳಿಂದ ವಿಚ್ಛೇದನ ಪಡೆದ ಎರಡೇ ವರ್ಷಕ್ಕೆ ನಟ ನಾಗಚೈತನ್ಯ ನಟಿ ಶೋಭಿತಾ ಧುಲಿಪಾಲ ಜೊತೆ ಎಂಗೇಜ್ ಮೆಂಟ್ ಮಾಡಿಕೊಂಡಿದ್ದಾರೆ. ಅದೂ ಸಮಂತಾಗೆ ಪ್ರಪೋಸ್ ಮಾಡಿದ್ದ ದಿನವೇ ಶೋಭಿತಾ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಇದರ ಬೆನ್ನಲ್ಲೇ ಸೋಷಿಯಲ್ ಮೀಡಿಯಾದಲ್ಲಿ ಅವರಿಗೆ ಸಾಕಷ್ಟು ಟೀಕೆಗಳು ಎದುರಾಗಿದೆ.

ಸಮಂತಾ ಮತ್ತು ನಾಗಚೈತನ್ಯ ಸೋಷಿಯಲ್ ಮೀಡಿಯಾ ಖಾತೆಯ ಹಳೆಯ ಪೋಸ್ಟ್ ಗಳಿಗೆ ನೆಟ್ಟಿಗರು ಸಾಕಷ್ಟು ಕಾಮೆಂಟ್ ಮಾಡುತ್ತಿದ್ದಾರೆ. ಶೋಭಿತಾ ಜೊತೆ ನಿಶ್ಚಿತಾರ್ಥಕ್ಕೆ ಮೊದಲು ನಾಗ ತಮ್ಮ ಇನ್ ಸ್ಟಾ ಖಾತೆಯಲ್ಲಿ ಸಮಂತಾ ಜೊತೆಗಿದ್ದ ಏಕೈಕ ಫೋಟೋವನ್ನೂ ಡಿಲೀಟ್ ಮಾಡಿದ್ದರು. ಇದನ್ನು ನೆಟ್ಟಿಗರು ಗುರುತಿಸಿದ್ದಾರೆ.

ಕಳೆದ ಎರಡು ವರ್ಷಗಳಿಂದ ಸಮಂತಾ ಜೊತೆಗಿನ ಫೋಟೋವನ್ನು ಡಿಲೀಟ್ ಮಾಡದೇ ಇಟ್ಟುಕೊಂಡಿದ್ದ ನಾಗ ಅನುಕಂಪ ಗಿಟ್ಟಿಸಿಕೊಂಡಿದ್ರು. ಇನ್ಮುಂದೆ ಯಾವತ್ತೂ ಅವರನ್ನು ಇಷ್ಟಪಡಲ್ಲ ಎಂದು ಕೆಲವರು ಕಾಮೆಂಟ್ ಮಾಡಿದ್ದಾರೆ. ಮತ್ತೆ ಕೆಲವರು ಸ್ಯಾಮ್ ನಿಮ್ಮ ಮೇಲಿನ ಗೌರವ ಇನ್ನಷ್ಟು ಹೆಚ್ಚಾಯ್ತು ಎಂದಿದ್ದಾರೆ.

ಇಷ್ಟು ದಿನ ನಿಮ್ಮ ತಪ್ಪಿನಿಂದಾಗಿ ನಾಗಚೈತನ್ಯರಿಂದ ಬೇರೆಯಾಗಿದ್ದಿರಬಹುದು ಎಂದುಕೊಂಡಿದ್ವಿ. ಆದರೆ ಈಗ ನಾಗ ಸ್ವಾರ್ಥಿ ಎಂದು ಗೊತ್ತಾಗಿದೆ ಎಂದು ಕೆಲವರು ಟೀಕಿಸಿದ್ದಾರೆ. ಶೋಭಿತಾ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡ ಬೆನ್ನಲ್ಲೇ ನಾಗಚೈತನ್ಯಗೆ ಸೋಷಿಯಲ್ ಮೀಡಿಯಾದಲ್ಲಿ ಸಾಕಷ್ಟು ಟೀಕೆಗಳು ಬರುತ್ತಿದೆ.