ಕೊಚ್ಚಿ: ದೃಶ್ಯಂ ಎಂಬ ಸಿನಿಮಾ ಎಲ್ಲಾ ಭಾಷೆಯ ಚಿತ್ರರಂಗದಲ್ಲಿ ಮಾಡಿದ ಮೋಡಿ ಅಷ್ಟಿಷ್ಟಲ್ಲ. ಮಲಯಾಳಂ ಮೂಲದ ಈ ಸಿನಿಮಾ ಈಗ ಮತ್ತೊಂದು ಭಾಗಕ್ಕೆ ಅಣಿಯಾಗುತ್ತಿದೆ.
ಹೌದು, ಎಲ್ಲಾ ಅಂದುಕೊಂಡಂತೆ ನಡೆದರೆ ಮುಂದಿನ ವರ್ಷ ದೃಶ್ಯಂ 3 ಸಿನಿಮಾಗೆ ಚಾಲನೆ ಸಿಗಲಿದೆ. ಇದನ್ನು ಸ್ವತಃ ನಿರ್ಮಾಪಕರೇ ಸ್ಪಷ್ಟಪಡಿಸಿದ್ದಾರೆ.
ದೃಶ್ಯಂ 1 ಮತ್ತು 2 ನೇ ಭಾಗದಲ್ಲಿ ಜಾರ್ಜ್ ಕುಟ್ಟಿಯಾಗಿ ಖ್ಯಾತ ನಟ ಮೋಹನ್ ಲಾಲ್ ಎಲ್ಲರೂ ಉಸಿರುಬಿಗಿಹಿಡಿದು ಸಿನಿಮಾ ನೋಡುವಂತೆ ಮಾಡಿದ್ದರು. ಈ ಎರಡೂ ಭಾಗಗಳೂ ಕನ್ನಡ, ತೆಲುಗು ಹಿಂದಿಯಲ್ಲಿ ರಿಮೇಕ್ ಆಗಿತ್ತು. ಇದೀಗ ಮೂರನೇ ಭಾಗವೂ ಬರಲಿದೆ ಎಂಬ ಸುದ್ದಿಯೇ ಅಭಿಮಾನಿಗಳಿಗೆ ಥ್ರಿಲ್ ಉಂಟು ಮಾಡಿದೆ.
