ಒಂದು ಸಣ್ಣ ಬ್ರೇಕ್ ಬಳಿಕ ಮತ್ತೆ ಬಣ್ಣದ ಲೋಕಕ್ಕೆ ಹಿಂತಿರುಗಿರುವ ಅರವಿಂದ ಸ್ವಾಮಿ ವಿಲನ್ ಮತ್ತು ಹೀರೋ ಆಗಿ ಈಗ ಮತ್ತೆ ಮಿಂಚುತ್ತಿದ್ದಾರೆ. ಮಣಿರತ್ನಂ ಅವರ ಕಡಲಿ ಚಿತ್ರದಲ್ಲಿ ಪುನಃ ಪ್ರವೇಶ ಮಾಡಿದ ಈ ನಟ ಆಮೇಲೆ ತನಿ ಒರುವನ್ ಚಿತ್ರದಲ್ಲಿ ವಿಲನ್ ಆಗಿ ಪಾತ್ರ ಪೋಷಣೆ ಮಾಡಿದ್ದರು.
ಇದೀಗ ಅವರಿಗೆ ನಾಯಕನಟನಾಗಿ ಅವಕಾಶಗಳು ಬರುತ್ತಿವೆಯಂತೆ. ಇದೀಗ ಚದುರಂಗ ವೇಟೈಟ-2 ಅನ್ನೋ ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದು, ಇದರ ಜೊತೆಗೆ ಇನ್ನೊಂದು ಚಿತ್ರದಲ್ಲಿ ನಟಿಸುವ ಅದೃಷ್ಟ ಬಾಗಿಲು ತಟ್ಟಿದೆ. ಇನ್ನೊಂದು ಕಡೆ ಮಿಲ್ಕಿಬ್ಯೂಟಿ ತಮನ್ನಾ ಈ ಚಿತ್ರಕ್ಕೆ ನಾಯಕಿ ಎನ್ನಲಾಗಿದೆ.
ಬಾಹುಬಲಿ ಚಿತ್ರದಲ್ಲಿ ಅಭಿನಯಿಸುವುದಕ್ಕೂ ಮುನ್ನ ತಮನ್ನಾಗೆ ಹೇಳಿಕೊಳ್ಳುವಂತಹ ಅವಕಾಶ ಸಿಕ್ಕಿರಲಿಲ್ಲ. ಆಮೇಲೆ ಅವರ ಅದೃಷ್ಟ ಬದಲಾಯಿತು. ಈಗ ಬಾಹುಬಲಿ 2 ಚಿತ್ರ ಸೇರಿದಂತೆ ತಮಿಳಿನಲ್ಲಿ ಶಿಂಬುಗೆ ಜೊತೆಯಾಗಿ ಅನ್ಬಾದವನ್ ಅಸರಾದವನ್ ಅಡಂಗಾದವನ್ ಅನ್ನೋ ಚಿತ್ರಲ್ಲಿ ಅಭಿನೈಸುತ್ತಿದ್ದಾರೆ. ನಿರ್ದೇಶಕ ಸೆಲ್ವ ಆಕ್ಷನ್ ಕಟ್ ಹೇಳುತ್ತಿರುವ ಚಿತ್ರದಲ್ಲಿ ಅರವಿಂದ್ ಸ್ವಾಮಿ ಜೊತೆ ತಮನ್ನಾ ರೊಮ್ಯಾನ್ಸ್ ಮಾಡಲಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
